Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Enero kata 2017

 KILATAMATKAN LA KSTALANINANIN CRISTO

Katlawaw oración xpalakata natalan tiku kaputsastalanimaka

Katlawaw oración xpalakata natalan tiku kaputsastalanimaka

Biblia xlichuwinanit pi Satanás x’ama kinkaputsastalaniyan xlakata ni xlichuwinaw Dios (Jn 15:20; Ap 12:17). ¿Wi tuku tlan natlawayaw xlakata xkamakgtayaw natalan tiku kaputsastalanimaka? Chuna, tlan nakapalakaskinaw kki’oracioneskan. Biblia wan pi x’oración chixku tiku xa’akgstitum kgalhi lhuwa litliwakga (Snt 5:16).

¿Tuku tlan naskinaw akxni natlawayaw oración? Kaskiniw Jehová pi kakamaxkilh litliwakga kinatalankan chu kakamakgtayalh xlakata ni napekuankgo (Is 41:10-13). Na kaskiw ki’oracionkan pi mapakgsinanin kakinkamaxkikgon talakaskin nalichuwinanaw Dios, «lakimpi wa ntu ntlan nalatamayaw, ni anan ntasokgalin» (1Ti 2:1, 2).

Akxni Pablo chu Pedro kaputsastalanika, natalan kapalakaskinkgolh kx’oracioneskan chu kamapakuwikgolh (Hch 12:5; Ro 15:30, 31). Maski akinin ni katsiyaw xtukuwanikan putum tiku kaputsastalanimaka, tlan namapakuwiyaw congregación, país o niku wilakgo.

Katsokgwili países niku kaputsastalanimaka kstalaninanin Cristo nema wix kapalakaskimputuna kmiʼoración: