Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Diciembre kata 2017

 KILATAMATKAN LA KSTALANINANIN CRISTO

¿La katsiya pi xaxlikana tapaxkit?

¿La katsiya pi xaxlikana tapaxkit?

Jehová lakkaxwililh tamakgaxtokgat xlakata putum kilhtamaku nalatatawila chatum chixku chu puskat (Gé 2:22-24). Tlan lakxtlawakan tamakgaxtokgat kaj akxni chatum tlawa talakgxtumit nema ni xlitatlawat (Mal 2:16; Mt 19:9). Xlakata Jehová lakaskin pi tiku latamakgaxtokga kapaxuwakgolh, masta tastakyaw nema kamakgtaya kstalaninanin Cristo xlakata liwana nalaksakkgo tiku natatamakgaxtokgkgo chu nakgalhi xalipaxuw tamakgaxtokgat (Ec 5:4-6).

KAʼAKXILHTI VIDEO ¿LA KATSIYA PI XAXLIKANA TAPAXKIT? CHU KAKGALHTI UMAKGOLH TAKGALHSKININ:

  • ¿Tuku xlakata wanaw pi Frank chu Bonnie limasiyakgolh tapaxkit chu xlilat la stakyawakgolh Laura?

  • ¿Tuku xlakata ni xlilat nalakpuwana pi tlan nalakgpaliya xtayat tiku lakgapaspat?

  • ¿Tuku tlan tastakyaw maxkikgolh Paul chu Priscila tala Laura?

  • ¿Tuku xlakata kgalhikgolh taʼakglhuwit Daniel chu Melisa?

  • ¿Tuku lakxtum xlakgchamputunkgo Alan chu Laura?

  • ¿Tuku xlakata pulana milikatsit la xlikana likatsi, «tuku wi kxnaku», tiku lakgapaspat akxni nina tatamakgaxtokga? (1Pe 3:4).

  • ¿Tuku xaxlikana tapaxkit? (1Co 13:4-8).