Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Diciembre kata 2016

 TUKU LHUWA XTAPALH XALAK BIBLIA | ISAÍAS 1-5

«Katakxtuw ksipi Jehová»

«Katakxtuw ksipi Jehová»

2:2, 3

«Kxa’awatiya kilhtamaku»

Kilhtamaku nema lamaw.

«Ksipi niku wi xchik Jehová»

Xaskulunku takaknin nema maxkikan Jehová.

«Anta na’ankgo putum kachikinin»

Tiku lakgapaskgo xaskulunku takaknin makxtum wilakgo.

«Katantit chu katakxtuw kxsipi Jehová»

Tiku xaxlikana kakninanimakgolh Jehová kawanikgo amakgapitsin pi akxtum kakatalakgolh.

«Xla nakinkamasiyaniyan xtiji, chu liwana natlawanaw klaktsu xtiji»

Jehová limaklakaskin xTachuwin xlakata nakinkamasiyaniyan chu akinkamakgtayayan nalatamayaw la xla lakgati.

2:4

«Nipara katikatsiniparakgolh tlawakgo guerra»

Isaías lichuwinan pi likan nema limakgninankan liskujni nalitaxtukgo xlakata nalimasiya pi xkachikin Dios ni katitalatlawanalh. ¿Tuku liskujni xmaklakaskinkan xkilhtamaku Isaías?

«Xʼespadajkan nalitlawakgo rejas xla arado»

1 Reja xla arado wa tuku xlakwaxwili tiyat. Makgapitsi xalikan xwankgonit (1Sa 13:20).

«Xlanzas nalitlawakgo tuku liʼakgsitkan kiwi»

2 Tuku xli’akgsitkan kiwi max xlitatlawanit maktum likan nema liwana kxakakanit chu xwilinikan xmakan. Xmaklakaskinkan xlakata na’akgsitkan xakiwi uvas (Is 18:5).