Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Diciembre kata 2016

 KILATAMATKAN LA KSTALANINANIN CRISTO

Xtamasiy Dios tlawa pi nialh nalalakgmakgankan

Xtamasiy Dios tlawa pi nialh nalalakgmakgankan

Jehová ni laksakpaxkinan (Hch 10:34, 35). Xla kamakgamakglhtinan latamanin «kxlipaks ntiyat ntu anan, chu lantla ni ntipalit kilhtsukut anan, chu nti xalanin xlikatlanka nkatuxawat, chu ni ntipalit xtachuwinkan» (Apocalipsis [Revelación] 7:9). Wa xlakata kcongregación ni xli’anat talaksakpaxkit chu niti xlalilakgmakganat (Snt 2:1-4). Xatapaxuwan wilaw kparaíso xa’espiritual niku akxilhnitaw la latamanin lakgpalikgonit xtayatkan (Is 11:6-9). Akxni mapanuyaw kkinakujkan talalakgmakgat, limasiyayaw pi tlawamaw la Dios (Ef 5:1, 2).

KA’AKXILHTI VIDEO JOHNY CHU GIDEON: XAPULANA LATALAMAKGASITSIN, LA UKU LINATALAN. ALISTALH KAKGALHTI UMAKGOLH TAKGALHSKININ:

  • ¿Tuku xlakata xtamasiy Dios tlawa pi ni nalalakgmakgankan nixawa tuku tlawaputunkgo latamanin?

  • ¿Tuku kaks malakawaniyan xlakata la latalalinaw xlikalanka katiyatni la linatalan?

  • ¿Tuku xlakata wanaw pi malanki Jehová xlakata makxtum wilaw?