Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Agosto kata 2016

 KILATAMATKAN LA KSTALANINANIN CRISTO

Kamasiyaw xaxlikana

Kamasiyaw xaxlikana

Namatsukikan septiembre, Tuku natalikgalhtawakga nalimin xasasti liʼakxilhtit nema nawanikan «Kamasiyaw xaxlikana». Nakamasiyaniyaw latamanin tuku xaxlikana xalak Biblia natlawaniyaw takgalhskinin chu namasiyaniyaw akgtum texto xalak Biblia.

Komo akxilhaw pi tlakg katsiputun, tlan wi tuku nawanaw xlakata natachuwinamparayaw namaxkiyaw maktum likgalhtawakga o namasiyaniyaw video xla jw.org. Ni makgas kilhtamaku kataspitparaw xlakata chuntiya natachuwinanaw. Xalaksasti liʼakxilhtit niku masiyakan la lichuwinankan Dios nakilhtiyakan tuku limin kxkgalhsputat capítulos xla libro What Can the Bible Teach Us?, uma versión xla libro ¿Tuku xlikana masiya Biblia? nema nixatuwa xlakata nina anan xaʼespañol natamaklakaskin nema kgalhiyaw, limin nema makgtayanan akxni natlawayaw revisitas o nalimakgalhtawakgananaw akxni kaj Biblia limaklakaskinaw.

Kaj kgantum tiji nema linan klatamat (Mt 7:13, 14). Xlakata latamanin tiku katachuwinanaw tanu tanu la kgalhikgo xtakanajlakan chu kaniwa xalanin, kilimasiyanitkan xaxlikana xalak Biblia chuna la nalakgatikgo (1Ti 2:4). Chuna la tlakg nakatsinitilhayaw masiyayaw xaxlikana xalak Biblia chu tlakg nakatsiniyaw maklakaskinaw «ntachuwin xla talulokgtat», nalipaxuwayaw chu tlakg tlan nakitaxtu la nakamasiyaniyaw xaxlikana latamanin (2Ti 2:15).