Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

Xlakata namakgalhtawakgenankan lu xlakaskinka nalichuwinankan chu namasiyakan

Xlakata namakgalhtawakgenankan lu xlakaskinka nalichuwinankan chu namasiyakan

Jesús kalimapakgsilh kstalaninanin pi xʼankgolh chu xkamakgalhtawakgekgolh latamanin (Mt 28:19). Uma xwamputun pi xlichuwinankgolh Dios chu xmasiyakgolh. Ni xmakgasna, chatunu akinin kakinkakgalhskinkan: ¿La tlakg tlan nakmakgantaxti uma taskujut?

LICHUWINANKAN

Ni kilikgalhkgalhitkan pi latamanin naminkgo niku akinin wilaw, wata kiliskujatkan nakaputsayaw «tiku lakgchan» nakgaxmatkgo (Mt 10:11). Akxni lichuwinanaw Dios, ¿skgalalh tawilayaw xlakata tlan nakatachuwinanaw tiku kaj xalan “titaxtukgo”? (Hch 17:17). Xlakata Pablo lu liskujli nalichuwinan Dios, Lidia kstalanina Jesús litaxtulh (Hch 16:13-15).

«Tsisa kachanti mintalhtsi, chu asta kakgotanun ni kamajaxa mimakan» (Ec 11:6).

KAʼAKXILHTI VIDEO CHUNTIYA KALICHUWINAW XALAKWAN XALAKSASTI: TIKU KATATANOKGLHAW CHU AKGATUNU CHIKI, CHU ALISTALH KAKGALHTI UMAKGOLH TAKGALHSKININ:

  • Akxni Samuel kskuja chali chali, ¿la limasiyalh pi xputsama la nachan tuku xaxlikana?

  • ¿Tuku xlakata kiliskujatkan la xlitipalhuwa lichuwinanaw Dios?

  • ¿Tiku tlan xlitachuwinanti Dios akxni tlawapat tuku lismaninita tlawaya chali chali?

MASIYAKAN

Xlakata nakamakgtayayaw latamanin kstalaninanin Jesús nalitaxtukgo, ni kajwatiya talakaskin nakamakgxtakgniyaw likgalhtawakga. Xlakata nakamakgtayayaw nastaka xtakanajlakan, talakaskin nakalakgamparayaw chu nakamakgalhtawakgeyaw (1Co 3:6-9). Pero ¿tuku natlawayaw komo makgkatsiyaw pi maski liskujmaw wi tiku namasiyaniyaw xaxlikana ni tasiya pi staka xtakanajla? (Mt 13:19-22). Akinin chuntiya kiliputsatkan latamanin tiku kgalhikgo xnakujkan xtachuna la “xatlan tiyat” (Mt 13:23; Hch 13:48).

«Kit kchalh, wa Apolos munulh, wampi wa Dios wa nti mastakanit» (1Co 3:6).

KAʼAKXILHTI VIDEO CHUNTIYA KALICHUWINAW XALAKWAN XALAKSASTI: NIKU LHUWA ANANKAN CHU KAMAKGALHTAWAKGENAW, CHU ALISTALH KAKGALHTI UMAKGOLH TAKGALHSKININ:

  • ¿La tlawakgolh Salomón chu Mary xlakata kstakli xaxlikana kxnakujkan Ezequiel chu Abigail?

  • Maski tanu tanu la lichuwinanaw Dios, la akxni lichuwinanaw niku lhuwa anankan, ¿tuku tlawaputunaw?

  • ¿Tuku natalakaskin natlawayaw lakgachunin xlakata chuntiya namasiyayaw tuku xaxlikana?