Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Abril kata 2017

 KILATAMATKAN LA KSTALANINANIN CRISTO

Takilhtlin xla Tamapakgsin kinkamatliwakglhan

Takilhtlin xla Tamapakgsin kinkamatliwakglhan

Pablo chu Silas limalankikgolh Jehová takilhtlin akxni xwilakgo kpulachin (Hch 16:25). Kkinkilhtamakujkan kinatalankan kilhtlikgolh takilhtlin xla Tamapakgsin akxni xwilakgo kcampo xla concentración kSachsenhausen k’Alemania nazi chu akxni xkalinkanit kSiberia. Umakgolh li’akxilhtit masiya la takilhtlin xla Tamapakgsin kamatliwakglha kstalaninanin Cristo tiku titaxtukgo tuku tuwa.

Nialh makgas klhuwa tachuwin nakgalhikan xasasti libro xla takilhtlin nema xa español wanikan Cantemos con gozo a Jehová. Akxni nakgalhiyaw kilibrojkan, tlan namakgatawakgayaw takilhtlin akxni nakakninaniyaw Dios kfamilia xlakata nakatsiniyaw xaletra (Ef 5:19). Komo chuna natlawayaw, espíritu santo nakinkamakgtayayan nalakapastakaw umakgolh takilhtlin akxni natitaxtuyaw tuku tuwa. Takilhtlin xla Tamapakgsin kinkamakgtayayan nalakapastakaw kintakgalhkgalhinkan. Kinkamatliwakglhan akxni titaxtuyaw tuku tuwa. Chu asta akxni tlan makgkatsiyaw, xalak stlan letras kinkamakgtayayan «xatapaxuwan nakilhtliyaw» xlakata tlan makgkatsi kinakujkan (1Cr 15:16; Sl 33:1-3). Wa xlakata, kaliskujwi liwana namaklakaskinaw kintakilhtlinkan xla Tamapakgsin.

KA’AKXILHTI VIDEO AKGTUM TAKILHTLIN NEMA LAKPUCHLI CADENAS CHU ALISTALH KAKGALHTI UMAKGOLH TAKGALHSKININ:

  • ¿Tuku xtitaxtuma tala Frost akxni lakkaxtlawalh uma takilhtlin?

  • ¿La kamakgtayalh takilhtlin natalan tiku xwilakgo kcampo de concentración xalak Sachsenhausen?

  • ¿La nakinkamakgtayayan takilhtlin xla Tamapakgsin xpalakata tuku titaxtuyaw chali chali?

  • ¿Tukuya takilhtlin xla Tamapakgsin xlakgati nakatsiniya?