Satanás maklakaskin taʼakgsanin xlakata nakamaxlajwani kskujnin Jehová. Kaʼakxilhti xtaʼakgsanin Satanás chu tuku xlikana makgkatsi Jehová klibro xla Job. Tlan xwa komo xkatsokgti tipakgalhu amakgapitsi textos nema makanajliyan pi Jehová paxkiyan.

XTAʼAKGSANIN SATANÁS

TUKU MAKGKATSI JEHOVÁ

Dios lhuwa tuku kaskini kskujnin wa xlakata ni limakgapaxuwakgo maski katuwa tuku katlawakgolh. Ni anan tuku malakatsukinit nema makgapaxuwa (Job 4:18; 25:5).

Jehová lhuwa xtapalh akxilha tuku liskujaw (Job 36:5).

Dios nitu kaliʼakxilha latamanin (Job 22:2).

Jehová makglhtinan chu sikulunatlawa akxni akgstitum skujnaniyaw (Job 33:26; 36:11).

Dios ni kuenta tlawa komo tlan likatsiyaw (Job 22:3).

Jehová kakuentajtlawa tiku akgstitum likatsikgo (Job 36:7).