Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Mapakgsinamaja xTamapakgsin Dios

Pakgxwiki: Tala linkan kpulachin xlakata lichuwinama Dios kʼEindhoven (Países Bajos, 1945); pakgastakat o pakgkana: ¿Masta talakaskin limapakgsin nalichuwinana Dios niku lapat?

 PULAKTATI

Tuku tlajanit tamapakgsin: Talakkaxwili kxlakatin mapakgsinanin natalichuwinan xalakwan xalaksasti

Tuku tlajanit tamapakgsin: Talakkaxwili kxlakatin mapakgsinanin natalichuwinan xalakwan xalaksasti

 AKXNI lichuwinampat Dios akgatunu chiki, kgaxpata pi talakatsuwima akgtum patrulla. Akxni tsukuya chuwinana, mincompañero akxilha akxni chin patrulla. Chatum policía taxtu chu kgalhskininan: «¿Wixin tiku lichuwinampatit Biblia kʼakgatunu chiki? Lhuwa kinkawanikgoyan pi ni lakgatikgo tuku tlawayatit». Wix chu mincompañero liwana kawaniyatit pi wixin xtatayananin Jehová. ¿Tuku nakaʼakgspulayan?

Wa nalikatsiya xlakata tuku lanit kminkachikin. Makgasa, ¿la kalikatsinikgonit mapakgsinanin xtatayananin Jehová? ¿Mastakan talakaskin natalichuwinan takanajla? Komo chuna wi, max xlakata natalan akglhuwata kata lhuwa skujmakgolh “nakgalhmakgtayakgo xlakata natalichuwinan xatlan tamakatsin” (Filip. 1:7). Maski xanikuta niku lapat, akxni likgalhtawakgaya la tlajanankgonit xtatayananin Jehová xlakatin mapakgsinanin, namatliwakglha mi takanajla. Kʼuma pulaktati naʼakxilhaw xlakata uma. Tuku tlajananitaw limasiya pi Tamapakgsin xaxlikana, xlakata max nikxni xtlajanaw komo kaj kiakstukan xtitlawaw.

KʼUMA SECCIÓN

CAPÍTULO 13

Tiku lichuwinankgo Tamapakgsin kalakgankgo mapakgsinanin

Jueces xla makgapitsi tribunales xala uku tlawakgo la xamakgan makgalhtawakgana xla Limapakgsin Gamaliel.

CAPÍTULO 14

Natatayayaw xtamapakgsin Dios chu ni namakgxtakgaw

Wi tuku kaj xalan kgotwanit «kgalhtuchokgoj» nema kaliputsastalanikan xtatayananin Jehová xlakata ni makgtanukgo kpolítica

CAPÍTULO 15

Skinkgo kakamakgxtakgka nakakninanikgo Dios

Xkachikin Dios liskujkgonit xlakata nakgalhakgaxmatkgo xlimapakgsin Dios.