Ankan kxpulakni

Ankan kliputsan

Xtatayananin Jehová

Laksakkan tachuwin totonaco

¿Lakaskina kakgantaxtulh tuku wanit Tamapakgsin pi natlawa?

 PULAKTUJUN

Xtamalaknun Tamapakgsin: Putum xasasti wampara

Xtamalaknun Tamapakgsin: Putum xasasti wampara

 WIX puxa akgtum lu kgama manzana, kgankgawanana chu alistalh mujuya kmimurralh. Akglhuwata hora skujpat, pero nina tlakgwana chu tlakg skujputuna. Mintse na puxma xtawakat kgantum kiwi nema lakatsu wi chu xatapaxuwan takgalhchuwinama xfamilia chu amigos, tiku minkgonit makgtayakgo. Lu tsumatku tasiya, xtachuna la akxni wix aktsujku xwanita. Nila kanajlaya pi akxilhti la tsikalh kkakilhtamaku nema nialhtu wi. Lakapastaka la tajatat tsinu tsinu xlaklima chu makgachipa akxni xaʼawatiya jaxanalh. ¡Lu lhuwa tasa kxputaknun! Pero la uku unu katalama lhuwa latamanin, ni tatatla chu tliwakga.

Uma kilhtamaku nachin. Chu liwana kanajlayaw, xlakata Dios putum kilhtamaku makgantaxti tuku wan. Kʼuma pulaktujun naʼakxilhaw makgapitsi tuku xTamapakgsin Dios namakgantaxti nialh makgas chu limin guerra xla Armagedón. Na naʼakxilhaw makgapitsi tuku nakgantaxtu alistalh. ¡Lu tlan nawan akxni naʼakxilhaw pi xTamapakgsin Dios namapakgsinan xlikalanka Katiyatni chu putum xasasti natlawa!

KʼUMA SECCIÓN

CAPÍTULO 21

Wa xTamapakgsin Dios nakamasputu xtalamakgasitsin

La uku talakaskin skgalalh natawilayaw xlakata akxni natsuku guerra xla Armagedón.

CAPÍTULO 22

Tamapakgsin natlawa xtalakaskin Dios kKatiyatni

¿Tuku xlakata kanajlayaw pi nakgantaxtu tuku Jehová wanit pi natlawa?