Ankan kxpulakni

Ankan kliputsan

Xtatayananin Jehová

Laksakkan tachuwin totonaco

Pakgxwiki: Chatum colportora lichuwinama Dios kCorea (1931); pakgastakat o pakgkana: Lichuwinamakgolh Dios ktachuwin xla señas kCorea del Sur

 PULAKTIY

Talichuwinan Tamapakgsin: Talichuwinan xalakwan xalaksasti xlikalanka Katiyatni

Talichuwinan Tamapakgsin: Talichuwinan xalakwan xalaksasti xlikalanka Katiyatni

 KILHTAMAKU akxni ni pina skuja tsisa tsukuya takaxa xlakata napina lichuwinana Dios. Ni katsiya tuku natlawaya xlakata makgkatsiya pi tlakgwanita, o akgxuninita, xlakata putum semana skujti. ¡Lu jaxputuna! Pero wix tlawaya oración chu lakkaxwiliya pi napina. Talakgchanan chatum nana tiku ni makgxtakga Dios chu tlan likatsi. Akxni puntsuwa lichuwinampat xaxlikana kʼakgatunu chiki, lakpuwana: «La uku, natalan xlikalanka katiyatni na lichuwinamakgolh watiya tamakatsin, limaklakaskinkgo watiya likgalhtawakga, chu watiya tuku kamasiyanikan». Akxni taspita kminchik, tlakg tlan makgkatsiya chu lu lipaxuwaya xlakata ni tamakgxtakgti kminchik.

La uku, natalichuwinan Dios wa tuku tlakg xlakaskinka tlawama xTamapakgsin Dios. Jesús wa pi xʼamaka lichuwinankan Dios xlikalanka katiyatni xaʼawatiya kakilhtamaku (Mat. 24:14). ¿La kgantaxtuma uma tuku xlichuwinankanit? Kʼuma pulaktiy nalichuwinanaw pulaklhuwa tuku tamaklakaskinit xlakata natamakgantaxti uma taskujut. Naʼakxilhaw tiku lichuwinamakgolh Dios, la tlawakgo chu tuku maklakas- kinkgo. Putum uma makgtayananit pi lhuwa millón latamanin xaxlikana naʼakxilhkgo xTamapakgsin.

KʼUMA SECCIÓN

CAPÍTULO 6

Kachikin nema lichuwinan Dios: Xatapaxuwan tamakamastakgo tiku lichuwinankgo Dios

¿Tuku xlakata Jesús liwana xkatsi pi kxaʼawatiya kilhtamaku lhuwa xʼama kgalhi tiku xlichuwinankgolh Dios? ¿La nalimasiyayaw pi pulana wilimaw Tamapakgsin?

CAPÍTULO 7

La lichuwinankan Dios: Pulaklhuwa tuku tamaklakaskin

Kaʼakxilhti makgapitsi tuku maklakaskinkgolh xkachikin Dios xlakata nakalinikgo lakwan tamakatsin lhuwa latamanin akxni nina chin lisputni.

CAPÍTULO 8

Tuku tamaklakaskin akxni talichuwinan Dios: Tatlawa likgalhtawakga xpalakata putum latamanin

¿Tuku likatsiyaw pi xlakata matitaxtimaw likgalhtawakga kʼatanu tachuwin Jesús kinkamakgtayaman? La xlilhuwa tatlawa, ¿tuku makanajliyan pi Tamapakgsin xaxlikana?

CAPÍTULO 9

Tuku kitaxtulh xlakata talichuwinama Dios: «Nkapukuxtun, sampi lhmukukuta, na lixkganatta»

Jesús pulaktiy tuku lu xlakaskinka kamasiyanilh kstalaninanin xlakata lhuwa tuku xʼamaka makikan xaʼespiritual. ¿La kinkamakgtayayan uma tuku kamasiyanilh?