Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Mapakgsinamaja xTamapakgsin Dios

Pakgxwiki: Natalan xalak Suiza kamalakgachanikgo tamakgtay natalan xalak Alemania (1946); pakgastakat o pakgkana: Kaxtlawamakgolh Pukgalhtawakga kJapón akxni xtitaxtunita tsunami (2011)

 PULAKCHAXAN

Tatayakan Tamapakgsin: Kaxtlawakan chu makgtayanankan akxni wi tuku masputunan

Tatayakan Tamapakgsin: Kaxtlawakan chu makgtayanankan akxni wi tuku masputunan

 PUKGALHTAWAKGA nialh talakgapasa. Wix putum kilhtamaku tlan limakgkatsinita xlakata uma pukgalhtawakga, chu max asta lakapastaka la makgtayananti akxni tatlawalh nina lhuwata kata. Pero la uku tlan nawanaw pi tlakg tlan limakgkatsiya, xlakata pukgalhtawakga kalimakgtayamaka tiku nitlan tuku kaʼakgspulalh. Aku titaxtunit unisen nema masputunalh niku lapat, sucursal lakapala lakkaxwililh la nakamaxkikan tuku nawakgo, nalilhakganankgo chu nalikgotnankgo o atanu tuku maklakaskinkgo tiku nitlan tuku kaʼakgspulalh. Putum liwana lakkaxwilikanit kPukgalhtawakga tuku limakgtayanamaka. Natalan akgstitum yakgolh xlakata kamaxkimaka tuku maklakaskinkgo, chu lhuwa tasakgo xlakata paxuwakgo.

Jesús lichuwinalh pi xkachikin xkalilakgapaska xlakata xlapaxkikgolh chatunu chatunu (Juan 13:34, 35). Kʼuma pulakchaxan, naʼakxilhaw la lalimasiyani tapaxkit kstalaninanin Cristo akxni tlawakgo pukgalhtawakga chu akxni lamakgtayakgo xlakata wi tuku masputunan. Tapaxkit nema lalimasiyani limasiya pi Jesús Mapakgsinamaja.

KʼUMA SECCIÓN

CAPÍTULO 18

Tumin nema litatlawa xtaskujut Dios

¿Niku tatiya tumin? ¿La tamaklakaskin?

CAPÍTULO 19

Pukgalhtawakga nema malanki Jehová

Niku kakninanikan Dios chu malankikan, pero wi atanu tuku tlakg xlakaskinka akxilhkgo.

CAPÍTULO 20

Kamakgtayakan amakgapitsin na likakninanikan Dios

¿La katsiyaw pi akxni makgtayananaw na makgtanu taskujut nema maxkiyaw Jehová?