Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

¿Tiku tlawakgo xtalakaskin Jehová la uku?

Xtatayananin Jehová wilakgolh xlikalanka katiyatni chu tanu tanu xalanin chu xkilhtsukutkan. ¿Tuku tlawa pi makxtum katawilakgolh maski tanu tanu xalanin?

¿Tuku xtalakaskin Dios?

Dios lakaskin pi lakgatum katiyatni kamakatsininanka xtalakaskin. ¿Tuku uma xtalakaskin, chu tiku masiyanimakgo amakgapitsin xlakata uma?

¿La klikatsiyaw xtatayananin Jehová?

¿Niku kgalhlit lakgapasa xtatayananin Jehová? ¿Tuku lakgapasata kimpalakatakan?

¿Tuku xlakata kinkalilakgapaskanan xTatayananin Jehová?

Kakatsi tuku xlakata chuna kinkalimapakuwikanan.

¿La takatsipa xaxlikana xalak Biblia?

¿La liwana klikatsiyaw pi tuku kmasiyayaw wa tuku xlikana masiya Biblia?

¿Tuku xlakata ktlawaw Biblia Traducción del Nuevo Mundo?

¿Tuku tlawa pi uma traducción tlakg xatlan chu ni naʼanan xtachuna?

¿Tuku naʼakxilha kkintamakxtumitkan?

Tamakxtumiyaw xlakata nalikgalhtawakgayaw Biblia chu nalamatliwakglhaw chatunu chatunu. ¡Lu tlan nawan komo natana!

¿La kinkamakgtayayan xlakata kkatalalinaw kinatalankan?

Wa xTachuwin Dios kawani kstalaninanin Cristo tlan nalatalalinkgo.

¿Tuku tatlawa kkintamakxtumitkan?

¿Lakpuwanita tuku max tlawakan kkintamakxtumitkan? Lu nalakgatiya xlakata lu tlan tuku masiyakan xalak Biblia.

¿Tuku xlakata liwana ktakaxtayayaw akxni kkanaw ktamakxtumit?

¿Xlakaskinka akxilha Dios la lhakgananaw? Kakatsini tukuya tastakyaw xalak Biblia kinkamakgtayayan xlakata nalaksakaw la nalhakgananaw.

¿Tuku pulana militlawat akxni napina ktamakxtumit?

Komo alipulana nalikgalhtawakgaya tuku nataʼakxilha ktamakxtumit tlakg nalitamakgtayaya.

¿Tuku tlawakan akxni kakninanikan Dios kfamilia?

Kakatsi tuku lakkaxwilikanit nema tlan kinkamakgtayayan tlakg natalakatsuwiniyaw Dios chu tlakg tlan nalatalalinaw kfamilia.

¿Tuku xlakata kkgalhiyaw laklanka tamakxtumit?

Akgatunu kata, kgalhiyaw pulaktutu lu xlakaskinka tamakxtumit. ¿La kinkamakgtayayan umakgolh?

¿La talakkaxwilinit xlakata la klichuwinanaw Dios?

Tlawayaw uma taskujut chuna la tlawalh Jesús akxni xlama unu kKatiyatni. ¿La tanu tanu tlawakan uma taskujut?

¿Tuku tlawa chatum precursor?

Makgapitsi xtatayananin Jehová, akgatunu kata limaxtukgo 30, 50, o liwaka xlakata nalichuwinankgo Dios. ¿Tuku malakpuwani natlawa uma?

¿Tuku escuelas kgalhikgo precursores?

¿Tuku lu tlan takgalhtawakga kamaxkikan tiku xliputum kilhtamaku lichuwinankgo xTamapakgsin Dios?

¿Tuku taskujut lakgayakgo lakgkgolotsin xalak congregación?

Lakgkgolotsin lu tliwakga xtakanajlakan, pulalinkgo chu kakuenta tlawakgo congregación. ¿Tuku taskujut tlawakgo kimpalakatakan?

¿Tuku tlawakgo siervos ministeriales?

Siervos ministeriales makgtayanankgo xlakata tlan natawila congregación. Kakatsini la kinkamakgtayakgoyan xtaskujutkan putum tiku anaw ktamakxtumit.

¿La kinkamakgtayakgoyan superintendentes xla circuito?

¿Tuku xlakata superintendentes xla circuito kalakgapaxialhnankgo congregaciones? ¿La kinkamakgtayayan akxni kinkalakgapaxialhnanan?

¿La kkamakgtayayaw kinatalankan akxni patinamakgolh?

Akxni la tuku nitlan, lakapala lakkaxwiliyaw la namastayaw tamakgtay, namatliwakglhaw takanajla chu tlan nakamamakgkatsiniyaw tiku kaʼakgspulalh tuku nitlan. ¿La chuna ktlawayaw?

¿Tiku litaxtukgo «skujni xalipaw chu xaskgalala»?

Jesús wa pi xʼama wili skujni xlakata xkamaxkilh kxkilhtamaku kstalaninanin tuku xmaklakaskinkgolh kxtakanajlakan. ¿La tatlawa uma?

¿La skujkgo Lakgkgolotsin tiku Pulalinkgo xTatayananin Jehová?

Kxapulana siglo, makgapitsi «apóstoles chu lakgkgolotsin xalak Jerusalén» xpulalinankgo xcongregaciones kstalaninanin Cristo. ¿Chu la uku?

¿Tuku Betel?

Anta kBetel tlawakan akgtum lu xlakaskinka taskujut. Tlakg kakatsini xlakata tiku anta skujkgo.

¿Tuku tatlawa ksucursal?

Tiku nalakgapaxialhnamputun sucursal tlan naʼan xlakata namalakgapasnikan. ¡Xatapaxuwan kkawaniyan pi natana!

¿La tlawakan chu la matitaxtikan kʼatanu tachuwin kilikgalhtawakgakan?

Liwaka 700 tanu tanu ktachuwin ktlawayaw likgalhtawakga. ¿Tuku xlakata ktlawayaw lhuwa taskujut?

¿Tuku litatlawa xtaskujut Dios xlikalanka kKatiyatni?

¿La litasiya pi kintakanajlakan ni xtachuna la amakgapitsin takanajla?

¿Kimpukgalhtawakgakan la ktlawayaw chu tuku xlakata?

¿Tuku xlakata limapakuwiyaw Pukgalhtawakga niku kakninaniyaw Dios? Tlakg kakatsini la litamakgtayakgo kincongregacioneskan umakgolh chiki nema ni lhuwa tuku kgalhikgo.

¿La namakgkuentajtlawayaw pukgalhtawakga?

Akgtum Pukgalhtawakga nema liwana kaxakakan malanki Dios. ¿Tuku tatlawa xlakata lu stlan natawila kimpukgalhtawakgan?

¿La nakinkamakgtayayan biblioteca nema wi kPukgalhtawakga?

¿Tlakg katsiputuna tuku wan Biblia? ¡Kapit kbiblioteca nema wi kpukgalhtawakga!

¿Tuku natekgsa kkimpaginajkan?

Wix tlan tlakg nakatsiniya kimpalakatakan chu xlakata kintakanajlakan chu natekgsa xtakgalhtin mintakgalhskinin xalak Biblia.

¿Natlawaya xtalakaskin Jehová?

Jehová Dios xlikana paxkiyan. ¿La nalimasiyaya kmilatamat pi makgapaxuwaputuna?