Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 56

Josías paxki xlimapakgsin Dios

Josías paxki xlimapakgsin Dios

Josías tsukulh mapakgsinan kJudá akxni xkgalhi akgtsayan kata. Ama kilhtamaku, latamanin xmaklakaskinkgo magia chu xkakninanikgo ídolos. Akxni Josías xkgalhi 16 kata, xkatsiniputun nakakninani Jehová chuna la xlilat. Alistalh, akxni xkgalhi 20 kata, tsukulh kamasputu ídolos chu niku xmastakan tamakamastan kkachikin. Chu akxni xkgalhi 26, lakkaxwililh xlakata nakaxtlawa xtemplo Jehová.

Xapuxku sacerdote, Hilquías, tekgsli ktemplo xLimapakgsin Dios. Max wa tuku xtsokgnit Moisés. Safán, xsecretario mapakgsina, linilh rollo Josías chu pixlanka tsukulh likgalhtawakgani. Josías kgaxmatli chu katsilh pi kachikin akglhuwata kata ni xkgalhakgaxmatkgonit Jehová. Wa xlakata mapakgsina Josías wanilh Hilquías: “Lu makgasitsinitaw Jehová. Katachuwinanti xlakata nakinkawaniyan tuku kilitlawatkan”. Jehová maxkilh uma tamakatsin palakachuwina puskat Huldá: “Kachikin Judá kimakgxtakgkgonit. Nakkamalakgaxokge, pero ni akxni mapakgsinama Josías, xlakata xla taktuju”.

Akxni Josías kgaxmatli uma tamakatsin, alh ktemplo chu kamamakxtumilh kachikin. Alistalh pixlanka kalikgalhtawakganilh xLimapakgsin Jehová. Josías chu kachikin wankgolh pi nakgalhakgaxmatkgo Dios xliputum xnakujkan.

 Akglhuwata kata kachikin xalak Judá ni xtlawakgo Pascua. Pero Josías likgalhtawakgalh kxLimapakgsin Jehová pi Pascua xlitatlawat akgatunu kata, wa xlakata kawanilh kachikin: “Natlawaniyaw Pascua Jehová”. Alistalh, limapakgsinalh pi xlakkaxwilika lhuwa tamakamastan chu xlakata xtawilakgolh tiku xkilhtlikgolh ktemplo. Wa xlakata tlawakgolh Pascua chu alistalh Fiesta xla Kaxtalanchu nema Ni kgalhi Levadura, nema makgapalalh akgtujun kilhtamaku. Ni xkgalhikgonit Pascua la uma lata akxni xlama Samuel. Josías xlikana xpaxki xLimapakgsin Dios. ¿Chu wix? ¿Na lakgatiya katsiniya xlakata Jehová?

«Mintachuwin akgtum lampara nema maxkgakge kintantun, chu akgtum makgskgot nema maxkgakge kintiji» (Salmo 119:105).