Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 44

Tlawanikan xtemplo Jehová

Tlawanikan xtemplo Jehová

Akxni Salomón tsukulh mapakgsinan, Jehová kgalhskilh: “¿Tuku lakaskina nakmaxkiyan?”. Xla kgalhtilh: “Akit kgawasaku chu nina liwana kkatsini tuku naktlawa. Katlawa litlan, kakimaxki liskgalala xlakata liwana nakkuentajtlawa minkachikin”. Jehová wanilh: “Xlakata kiskininita liskgalala, wix tiku tlakg skgalala nawana xliputum katiyatni. Na nakmaxkiyan lhuwa tumin chu lhuwa kata nalatapaya komo nakinkgalhakgaxpata”.

Salomón tsukulh tlawa templo. Maklakaskilh oro, plata, kiwi chu chiwix. Putum tuku maklakaskinka, wa tuku tlakg xatlan. Lhuwa mil lakchixkuwin chu lakpuskatin tiku lu xkatsinikgo makgtayanankgolh. Akgtujun kata litlawakgoka templo. Chalh kilhtamaku akxni xmakamaxkika Jehová, wa xlakata wilikgolh kpumakamastan xtamakamastankan. Salomón tatsokgostalh kxlakatin pumakamastan chu tlawalh oración: “Oh Jehová, wix lakgchanan tlakg xalanka chu xastlan templo nixawa uma. Pero katlawa litlan kamakgamakglhtinanti kintakakninkan chu kioracionkan”. ¿Tuku lakpuwana? ¿Lakgatilh templo Jehová? ¿Kgaxmatli xʼoración Salomón? Akxni Salomón xtlawakgonita oración, taktalh lhkuyat kʼakgapun chu lhkuyulh tamakamastan. Chuna Jehová limasiyalh pi xlakgati templo. Akxni israelitas akxilhkgolh uma, paxuwakgolh.

Mapakgsina Salomón lu lakgapaska kputum Israel chu niku lu makgat xlakata lu skgalala xwanit. Latamanin xlakgankgo xlakata xlakkaxtlawalh xtaʼakglhuwitkan. Asta mapakgsina xalak Seba lakgapaxialhnalh xlakata xliʼakxilhli xalaktuwa takgalhskinin. Akxni kgaxmatli xtakgalhtin Salomón, wa: “Ni xakkanajla tuku xkiwanikanit mimpalakata, pero la uku kkatsi pi tlakg skgalala wix nixawa la xkiwanikanit. Jehová, miDios, sikulunatlawanitan”. Lu tlan xwanit latamat kʼIsrael chu latamanin xpaxuwakgo. Pero ni makgas putum xʼama talakgpali.

«¡Kaʼakxilhtit!, unu wi tiku tlakg xlakaskinka nixawa Salomón» (Mateo 12:42).