Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 43

Xtalakgalhin mapakgsina David

Xtalakgalhin mapakgsina David

Akxni nilh Saúl, David mapakgsina wa. Xkgalhi 30 kata. Titaxtulh kata chu akgtum tsisni kxʼakgstin xchik, akxilhli chatum puskat. David katsilh pi xwanikan Bat-Seba chu pi xtatamakgaxtokgnit chatum soldado xwanikan Urías. David matasaninalh Bat-Seba, talakgxtumikgolh chu Bat-Seba xʼama kgalhi kskgata. David xmatsekgputun tuku xtlawanit. Wa xlakata wanilh xapuxku xsoldados pi lakan xyawalh Urías kʼguerra chu alistalh xtsalakgolh xlakata xakstu xtamakgxtakgli. Urías nilh kʼuma guerra chu David tatamakgaxtokgli Bat-Seba.

Pero Jehová xʼakxilhnit putum tuku nitlan xlanit. ¿Tuku xʼama tlawa Jehová? Malakgachalh palakachuwina Natán xlakata xtachuwinalh David. Natán wanilh: “Xwi chatum rico tiku xkgalhi lhuwa borregos chu xwi chatum tiku nitu xkgalhi, kaj tantum borrego xkgalhi nema lu xpaxki. Chu tiku rico makglhtilh xborrego tiku nitu xkgalhi”. David sitsilh chu wa: “¡Uma xarico chixku lakgchan namakgnikan!”. Chu Natán wanilh: “¡Wix chuna la uma rico!”. David lu lipuwa chu wanilh Natán: “Klakgalhinanit kxlakatin Jehová”. Uma talakgalhin liminilh lhuwa taʼakglhuwit chu nachuna xfamilia. Jehová malakgaxokgelh David, pero maxkilh talakaskin nalatama xlakata wa xaxlikana chu taktujulh.

David xtlawaniputun akgtum templo Jehová. Pero Jehová laksakli Salomón, xkgawasa David, xlakata wa xtlawalh. Wa xlakata David tsukulh lakkaxwili tuku xʼama maklakaskin Salomón chu wa: “Xtemplo  Jehová lu stlan xliwanat. Salomón kgawasaku, pero akit putum naklakkaxwili”. David mastalh lhuwa tumin xlakata xtlawaka templo. Putsalh skujnin tiku lu xkatsinikgo, mamakxtumilh oro chu plata, chu limilh puksnankiwi xalak Tiro chu Sidón. Akxni atsinu xtsankga xlakata David xnilh, maxkilh Salomón niku xtasiya la xʼama tatlawa templo chu wanilh: “Jehová wa uma tuku kiwanilh xlakata xaktsokgli chu xakmaxkin. Xla namakgtayayan. Ni kapekuanti. Tliwakga miliwanat chu natlawaya taskujut”.

«Tiku matsekga xtalakgalhin nitlan nakitaxtuni, pero tiku wan tuku tlawanit chu nialh chuna tlawa nalakgalhamankan» (Proverbios 28:13).