Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

Tuku litsuku sección 7

Tuku litsuku sección 7

K’uma sección lichuwinan xlatamat mapakgsina Saúl chu David, max 80 kata likgantaxtulh uma. Pulana Saúl ni tlankajwa xwanit chu xkgalhakgaxmata Jehová. Pero ni xlimakgas talakgpalilh chu lakgmakgalh napulalin Jehová. Alistalh Jehová na lakgmakgalh Saúl. Chu lakgayawalh Samuel xlaksakli David xlakata xasasti mapakgsina nawan k’Israel. Saúl xsitsini David chu makglhuwa makgniputulh. Maski chuna, David nikxni makgaxokgolh. Jonatán, xkgawasa Saúl, xkatsi pi Jehová xlaksaknit David, wa xlakata makgtayalh. Maski David tlawalh lu laklanka talakgalhin, putum kilhtamaku makgamakglhtinalh xtastakyaw Jehová. Komo kgalhiya kamanan, kakamakgtaya nakatsinikgo pi lu xlakaskinka natatayakgo putum tuku Jehová nawan.

KʼUMA SECCIÓN

TAKGALHTAWAKGA 39

Xapulana mapakgsina xalak Israel

Jehová kamaxki jueces israelitas xlakata xkapulalinkgolh, pero xlakan skinkgo chatum mapakgsina. Samuel laksaka Saúl la xapulana mapakgsina, pero alistalh Jehová lakgmakgalh, ¿tuku xlakata?

TAKGALHTAWAKGA 40

David chu Goliat

Jehová laksakli David xlakata xlichatiy mapakgsina xalak Israel xwa chu David limasiyalh pi lu tlan mapakgsina xʼama wan.

TAKGALHTAWAKGA 41

David chu Saúl

Chatum tiku nitlan likatsi ni akxilhputun tiku tlan likatsi. ¿Tuku tlawa tiku tlan likatsi?

TAKGALHTAWAKGA 42

Jonatán ni pekuan chu ni makgxtakgnan

Xkgawasa mapakgsina lu tlan xʼamigo litaxtu David.

TAKGALHTAWAKGA 43

Xtalakgalhin mapakgsina David

Tuku nitlan laksakkan limin lhuwa taʼakglhuwit.