Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 35

Ana skini Jehová chatum kgawasa

Ana skini Jehová chatum kgawasa

Elqaná chatum israelita nema xkgalhi chatiy lakpuskatin: Ana chu Peniná. Pero xla tlakg xpaxki Ana. Peniná xkgalhi chalhuwa xkamanan, chu Ana nitu xkgalhi. Wa xlakata Peniná xlikgalhkgamanan Ana. Akgatunu kata Elqaná xlin xfamilia kSiló, xlakata xkakninanikgolh Jehová ktabernáculo. Makgtum, akxni anta xwilakgo, Elqaná akxilhli pi xpuskat tiku lu xpaxki xlipuwama. Wa xlakata wanilh: “Ni katasa Ana. Akit ktawilan chu lu kpaxkiyan”.

Alistalh, Ana xakstu alh tlawa oración. Nila xmachokgo xtatasa, chu tasaskinilh Jehová xmakgtayalh. Malaknunilh: “Jehová, komo nakimaxkiya chatum kgawasa nakmakamaxkiyan xlakata naskujniyan putum kilhtamaku”.

Xapuxku sacerdote Elí akxilhli pi Ana xtasama chu xmatsuwi xkilhni maski ni xtakgaxmata tuku xwan, chu lakpuwa pi xkgachi. Ana wanilh: “Ni, kimalana, ni kkgachi. Kkgalhi akgtum lu lanka taʼakglhuwit, chu xaktachuwinama Jehová”. Elí katsilh pi xʼakgsankganit chu wanilh Ana: “Jehová kamaxkin tuku skininita”. Ana tlakg tlan makgkatsilh chu taxtulh. Ni takgatsilh akgtum kata, xla kgalhilh chatum kgawasa chu limapakuwilh Samuel. ¿Lakpuwana la lipaxuwalh Ana?

 Ana putum kilhtamaku xlakapastaka tuku xmalaknuninit Jehová. Akxni nialh matsikilh Samuel, lilh ktabernáculo xlakata kskujnanilh Dios. Xla wanilh Elí: “Ktlawanilh oración Jehová xlakata xkimaxkilh uma kgawasa. Uku kmakamaxki xlakata putum kilhtamaku naskujni”. Elqaná chu Ana akgatunu kata xlakgankgo Samuel chu xlinikgo akgtum tamaskiwin, akgtum lhman lhakgat nema xapakgaxtuluwa. Titaxtulh kilhtamaku, Ana kgalhilh atanu chatutu lakgkgawasan chu chatiy laktsuman xlakata xtalakgalhaman Jehová.

«Chuntiya kaskintit, chu nakamaxkikanatit; chuntiya kaputsatit chu natekgsatit» (Mateo 7:7).