Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 21

Xlipulakkaw tuku nitlan

Xlipulakkaw tuku nitlan

Moisés wanilh faraón pi nialh xʼama akxilha. Pero akxni nina xʼan wanilh: “Itat tsisni, xanapuxkun kamanan xla putum familias xalak Egipto, nanikgo, lata xkgawasa faraón asta xkgawasa skujnin”.

Jehová kawanilh israelitas: “Kakaxtlawatit lu xlakaskinka liwat. Kamakgnitit aktsu borrego o cabrito, xaʼakgtum kata chu kamawakatit xkgalhni kxkilhpanin malakcha. Kaxpuputit xaliway chu katawatit kaxtalanchu nema ni kgalhi limaxkutin. Katakaxtit xlakata tlan nataxtuyatit, lhakgananitantit chu tatununanitantit nawan. Uma katsisni nakkalakgmaxtuyan”. ¿Lakpuwana la xpaxuwamakgo israelitas?

Itat tsisni, xʼángel Jehová alh kputum xchikkan egipcios. Anta niku ni xkgalhi kgalhni kxchastunin malakcha, tiku xapuxku xwanit nilh. Pero kchiki niku xkgalhi kgalhni, ángel nitu katlawanilh kamanan. Putum familias xalak Egipto, ricos chu pobres makgatsankgakgolh chatum xkamankan. Pero nipara chatum xkamanan israelitas nikgolh.

Xapuxku xkgawasa faraón na nilh. Faraón nialh tayanilh chu kawanilh Moisés chu Aarón: “¡Kapitita! ¡Kataxtutit chu kakakninanitit miDioskan! ¡Kakalipitit mi’animaleskan chu kapitita!”.

 Ama katsisni xakatla papaʼ xwanit. Kʼakgatunu familias chu tribus xtamakxtumikgonit akxni taxtukgolh kʼEgipto. Xʼanan 600,000 lakchixkuwin, chu nachuna lhuwa lakpuskatin chu kamanan. Lhuwa tiku ni israelitas kataʼankgolh xlakata nakakninanikgo Jehová. ¡Xlakgtaxtukgonita!

Xlakata xlakapastakkgolh la xkalakgmaxtunit Jehová, akgatunu kata xlikaxtlawatkan xwanit taway nema xlakaskinka. Limapakuwikgolh Pascua.

«Wa uma tuku xpalakata lilapatku, xlakata naklimasiya kilitliwakga kmimpalakata, chu xlakata kintukuwani nalitachuwinan xlikalanka katiyatni» (Romanos 9:17).