Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 6

Kgalhtsayan latamanin matsukikgo xasasti kakilhtamaku

Kgalhtsayan latamanin matsukikgo xasasti kakilhtamaku

Noé, xfamilia chu animales tanukgolh kʼarca. Jehová malakchuwalh arca chu tsukulh senan. Lhuwa senalh asta arca latawakalh kxkgalhni chuchut. Tsinu tsinu, katiyatni litatsamalh chuchut. Putum tiku lixkajni xlikatsikgo ni tanukgolh kʼarca chu nikgolh. Pero Noé chu xfamilia nitu lanikgolh xlakata xtanumakgolh kʼarca. ¿Lakpuwana la paxuwakgolh xlakata kgalhakgaxmatkgolh Jehová?

Lu lhuwa senalh tipuxam kilhtamaku chu tipuxam tsisni chu alistalh xunkli sen. Titaxtulh kilhtamaku tsukulh takta chuchut. Chu arca tawilalh kxʼakgspun akgtum sipi. Pero xlakata lhuwaku chuchut xwi kkilhtin, Noé chu xfamilia nila taxtukgolh kʼarca lhuwa kilhtamaku.

Titaxtutilhalh kilhtamaku, tsinu tsinu tsukulh takta chuchut. Noé chu xfamilia liwaka akgtum kata tanukgolh kʼarca. Ama kilhtamaku Jehová kawanilh pi tlan xtaxtukgolh. ¡Xasasti kakilhtamaku xtasiya! Lu xpaxtikatsinikgo xlakata Jehová xkalakgmaxtunit, wa xlakata maxkikgolh tamakamastan.

Jehová lu makgapaxuwalh tamakamastan chu wa pi nialh xʼama limasputu tuku anan kkatiyatni akgtum munkaklat chuna la tlawalh. Xlakata xlimasiyalh tuku wa, tlawalh pi xlimakgtumku xtayalh chamakxkulit kʼakgapun. ¿Akxilhnitata chamakxkulit?

Jehová na kawanilh Noé chu xfamilia pi xkgalhikgolh kamanan chu xmalakgatsamakgolh katiyatni.

«Noé tanulh kʼarca, chu [latamanin] ni kuentajtlawakgolh asta akxni milh Munkaklat chu putum kamalakgsputulh» (Mateo 24:38, 39).