Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 3

Adán chu Eva ni kgalhakgaxmatkgolh Dios

Adán chu Eva ni kgalhakgaxmatkgolh Dios

Makgtum, akxni Eva xakstu xwi, tachuwinalh tantum luwa. Uma luwa wa: “¿Xlikana pi Dios ni kamaxkiyan talakaskin nawayatit xtawakat nipara kgantum kiwi?”. Eva kgalhtilh: “Tlan nakwayaw xtawakat putum kiwi, kajwatiya xla kgantum kiwi nila. Komo nakwayaw xtawakat, nakniyaw”. Luwa wanilh: “Ni katinitit. Komo nawayatit, la Dios nawanatit”. ¿Xlikana xwanit uma? Nixlikana. Kaj taʼakgsanin, pero Eva kanajlalh. Akxni tlakg xakxilha uma tawakat, tlakg xwaputun. Wa xlakata walh, chu na maxkilh Adán. Adán xkatsi pi xʼamakgo nikgo komo ni xkgalhakgaxmatkgolh Dios, pero maski chuna, walh.

Alistalh, watiya uma kilhtamaku, Jehová katachuwinalh Adán chu Eva. Xla kakgalhskilh tuku xlakata ni xkgalhakgaxmatkgonit. Eva limawakalh luwa, chu Adán limawakalh Eva. Xlakata Adán chu Eva ni kgalhakgaxmatnankgolh, Jehová katamakxtulh kjardín. Na kayawalh ángeles chu kgantum espada nema xlakgpasama niku xlaktanukan xlakata ni xtanuparakgolh.

Jehová wa pi na xʼama malakgaxokge tiku akgskgawilh Eva. Xlikana pi ni wa luwa tiku tachuwinalh. Jehová ni katlawalh luwa nema nachuwinankgo. Chatum ángel tiku nitlan likatsi machuwinilh luwa. Xʼakgskgawiputun Eva. Uma ángel wanikan Satanás, Akgskgawini. Ni makgas, Jehová namasputu Satanás. Nialh katikaʼakgskgawilh latamanin xlakata natlawakgo tuku nitlan.

«Akgskgawini [...] akxni lakatsukulh makgnina xwanit, chu ni tamakgxtakgli kxaxlikana, xlakata nikxni wan tuku xaxlikana» (Juan 8:44).