Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 82

Jesús kamasiyani kstalaninanin natlawakgo oración

Jesús kamasiyani kstalaninanin natlawakgo oración

Putum tuku xtlawakgo fariseos xtlawakgo xlakata kaks xkamalakawanikgolh amakgapitsin. Xlakaskinkgo pi amakgapitsin xkaʼakxilhkgolh, wa xlakata xtlawakgo tuku tlan. Akgtum liʼakxilhtit, xtlawakgo oración niku lhuwa xlatamakan xlakata xkaʼakxilhka. Xkatsinikgo laklhman oraciones chu watiya watiya xwankgo ksinagogas chu kkatijin xlakata xkakgaxmatnika. Wa xlakata latamanin kaks lilakawankgolh akxni Jesús wa: “Ni katlawa mioración la fariseos. Xlakan lakpuwankgo pi kaks namalakawanikgo Dios komo lhuwa tachuwin namaklakaskinkgo, pero ni xlikana. Akxni tlawaya oración, kajwatiya Jehová chu wix milikatsit. Ni watiya tuku kawanti. Jehová lakaskin nawaniya tuku xlikana makgkatsiya”.

 Jesús lichuwinalh la natlawayaw oración: “Tlati tiku wilapi kʼakgapun, katasantujlilh mintukuwani. Kamilh minTamapakgsin. Kalalh mintalakaskin chuna la kʼakgapun nachuna kkatiyatni”. Alistalh Jesús kawanilh pi xlitlawatkan oración xlakata kskinkgolh taway xala chali chali chu xkatapatika xtalakgalhinkan, chu na tlan kskinkgolh atanu tuku xmaklakaskinkgolh kxlatamatkan.

Nachuna, Jesús wa: “Ankgalhin katlawa mioración. Chuntiya kaskini tuku tlan minTlat Jehová. Putum natlatni kamaxkiputunkgo tuku tlan xkamanan. Komo minkgawasa naskiniyan kaxtalanchu, ¿namaxkiya akgtum chiwix? Chu komo naskiniyan tantum skiti, ¿namaxkiya tantum luwa?”.

Alistalh Jesús lichuwinalh tuku kinkamasiyaniyan tuku aku xwanit: “Komo katsiniya maxkiya xatlan tamaskiwin minkamanan, ¡liwaka minTlat Jehová namaxkiyan espíritu santo! Kajwatiya miliskinit”. ¿Tlawaya tuku wa Jesús? ¿Tuku skiniya wix Jehová akxni tlawaniya oración?

«Chuntiya kaskintit, chu nakamaxkikanatit; chuntiya kaputsatit chu natekgsatit; chuntiya kalakgatlakgtit malakcha chu nakamalakkinikanatit» (Mateo 7:7).