Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TAKGALHTAWAKGA 70

Ángeles makatsininankgo pi Jesús lakachilh

Ángeles makatsininankgo pi Jesús lakachilh

Mapakgsina xalak Roma, César Augusto, kalimapakgsilh judíos pi xʼankgolh talhkatawilakgo niku xlakachinkgonit. Wa xlakata José chu María ankgolh kBelén, xlakata xfamilia José anta xtapakgsikgo. María atsinu xtsankgani nalakachin kskgata.

Akxni chankgolh, kajwatiya tlan tekgskgolh niku xkamakikan animales xlakata anta xtawilakgolh chu anta lakachilh Jesús. María limakgswilh maktum xatsatata lhakgat chu lakatsuku mamilh niku xkamujunikan xtawaykan animales.

Lakatsu kBelén, makgapitsi xkuentajtlawananin borregos xwilakgo katsisni kalakgwan, xkuentajtlawamakgo xborregojkan. Kaj xalan, chatum ángel katasiyanilh, chu akxilhkgolh akgtum xkgakganat nema xkalistili, wa xlilanka Jehová. Xkuentajtlawananin borregos pekuankgolh, pero ángel kawanilh: “Ni kapekuantit, klimin laktlan tamakatsin. La uku, Mesías lakachinit kBelén”. Watiya uma  kilhtamaku, tasiyakgolh lhuwa ángeles kʼakgapun tiku xwankgo: “Katamalankilh Dios kʼakgapun chu kaʼanalh takaksni kkatiyatni”. Chu ángeles nialh tasiyakgolh. ¿Tuku tlawakgolh xkuentajtlawananin borregos?

Xkuentajtlawananin borregos xlawanikgo chatunu chatunu: “Kaʼaw kBelén”. Wa xlakata lakapala ankgolh chu tekgskgolh José chu María niku xkamakikan animales chu anta xtawilakgo aktsu skgata nema aku xlakachinit.

Putum tiku kgaxmatkgolh tuku ángel xkawaninit xkuentajtlawananin borregos kaks lilakawankgolh. María lu lilakpuwa xtachuwin ángel chu ankgalhin lakapastakli. Xkuentajtlawananin borregos taspitkgolh niku xwilakgo xborregojkan, lu xpaxtikatsinikgo Jehová putum tuku xʼakxilhkgonit chu xkgaxmatkgonit.

«Wa Dios kimalakgachalh chu unu kwi. Ni kiʼakstu klaksakli nakmin, wata Xla kimalakgachalh» (Juan 8:42).