Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku tlan nakatsiniya kBiblia

 TAKGALHTAWAKGA 1

Dios tlawa akgapun chu katiyatni

Dios tlawa akgapun chu katiyatni

Jehová Dios wa kiMalakatsukinakan. Tlawalh putum tuku anan, tuku akxilhaw chu tuku ni akxilhaw. Akxni nina xtlawa tuku akxilhaw, katlawalh lhuwa ángeles. ¿Katsiya tiku ángeles? Wa tiku Jehová katlawalh chu tasiyakgo la Dios. Akinin nila akxilhaw Jehová chu na nila kaʼakxilhaw ángeles. Xapulana ángel tiku tlawalh Jehová xmakgtayana litaxtulh. Uma ángel makgtayalh Jehová akxni katlawalh staku, planetas chu amakgapitsi tuku anan. Akinin lamaw kʼakgtum planeta, xastlan Katiyatni.

Alistalh, Jehová lakkaxwililh katiyatni xlakata animales chu latamanin tlan xlatamakgolh. Tlawalh pi chichini xmakgxkgakganalh kkatiyatni. Na katlawalh sipi, pupunu chu kgalhtuchokgo.

¿Tuku lalh alistalh? Jehová wa: “Naktlawa sekget, tuwan chu kiwi”. Wa xlakata katiyatni tsukulh makgala tipalhuwa tawakat, verduras chu xanat. Jehová na katlawalh tipalhuwa animales: wantuku kgoskgo, tuku xalak chuchut chu tuku kaj taxwatakgo. Katlawalh laktsu animales, la skaw chu tuku laklanka, la elefantes. ¿Tuku animal tlakg lakgatiya?

Alistalh Jehová wanilh xapulana ángel: “Katlawaw chixku”. Latamanin ni chuna xʼamakgo wankgo la animales. Katuwa tuku tlan xtlawakgolh, xchuwinankgolh, xlitsinkgolh chu xtlawanikgolh  oración Dios. Xʼamakgo kuentajtlawakgo katiyatni chu animales. ¿Katsiya tiku xapulana chixku? Kaʼakxilhwi.

«Kxapulana Dios tlawalh akgapun chu katiyatni» (Génesis 1:1).