Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Tlan nalatamaparakgo tiku nikgonita?

¿Tlan nalatamaparakgo tiku nikgonita?

¿Xwanti pi . . .

  • ... tlan?

  • ... nila?

  • ... max?

 WANTUKU WAN BIBLIA

«Nalakastakwanankgoy ninin.» (Hechos 24:15, Hua Xasasti Talaccaxlan.)

LA KINKAMAKGTAYAYAN NAKATSIYAW

Nakinkamatliwakglhan akxni nani tiku paxkiyaw (2 Corintios 1:3, 4).

Ni lu katipekuaniw linin (Hebreos 2:15).

Lu nakanajlayaw pi naka’akxilhparayaw tiku nikgonit nema kapaxkiyaw (Juan 5:28, 29).

 ¿WI TUKU KINKAMAKGTAYAYAN NAKANAJLANIYAW BIBLIA?

Wi pulaktutu:

  • Dios Malakatsukilh latamat. Biblia wan pi Jehová «makilhtsukinita latamat» (Salmo 36:9; Hechos 17:24, 25). Xlakata tlan kamaxkilh latamat putum tuku staknankgo, xlikana pi kgalhi litliwakga xlakata nakamaxkipara tiku nikgonit.

  • Dios kamalakastakwaninita makgapitsi latamanin. Biblia lichuwinan kgalhtsayan tiku kamalakastakwanika, lakchixkuwin, lakpuskatin tiku tanu tanu kata xkgalhikgo, chu latamaparakgolh kKatiyatni. Makgapitsi aku xnikgonit; pero chatum akgtatita kilhtamaku xninit (Juan 11:39-44).

  • Dios kamalakastakwaniputun tiku nikgonit. Jehová ni akxilhputun linin xlakata li’akxilha la xtalamakgasitsin (1 Corintios 15:26). Lu masputuputun linin chu nalimasputu talakastakwanat. Kamalakastakwaniputuna kKatiyatni tiku wilakgolh kxtalakapastakni (Job 14:14, 15).

 KALILAKPUWANTI UMA

¿Tuku xlakata kgolonaw chu niyaw?

Natekgsa xtakgalhtin Biblia anta K’GÉNESIS 3:17-19 chu ROMANOS 5:12.