Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Tiku xlikana mapakgsi kakilhtamaku?

¿Tiku xlikana mapakgsi kakilhtamaku?

¿Xwanti pi . . .

  • ... Dios?

  • ... latamanin?

  • ... akgtum litliwakga nema ni lakgapasaw?

 WANTUKU WAN BIBLIA

«Kxlitliwakga Akgskgawini wilakgo, xlipaks ntachixkuwitat.» (1 Juan 5:19.)

«Wacha yuma ntilitasiyulh xKam Dios, lakimpi namalakgsputuy xtatlaw akgskgawini.» (1 Juan 3:8, Hua Xasasti Talaccaxlan.)

LA KINKAMAKGTAYAYAN NAKATSIYAW

Nakatsiyaw niku lakatsuku taʼakglhuwit xalak kakilhtamaku (Apocalipsis [Revelación] 12:12).

Nakinkamakgtayayan nakanajlayaw pi kakilhtamaku tlakg tlan natawila (1 Juan 2:17).

 ¿WI TUKU KINKAMAKGTAYAYAN NAKANAJLANIYAW BIBLIA?

Wi pulaktutu:

  • Namasputukan xtamapakgsin Satanás. Jehová liwana lakkaxwilinit pi Satanás nialh wa nakamapakgsi latamanin. Wan pi “namalakgsputuy Akgskgawini” chu nalakkaxtlawa putum tuku nitlan tlawanit (Hebreos 2:14).

  • Dios laksaknit Jesucristo xlakata namapakgsinan. Jesús ni xtachuna la xmapakgsina kakilhtamaku tiku lixkajni likatsi chu xakstu paxkikan. Asta Dios wan xlakata xtamapakgsin Cristo: «Nalakgalhaman ti nitu [...] [kgalhi] y ti lakaskin kamakgtayakaj [...]. Akxni lixkajnit nakamakgxtakgajnikan y nakamakgniputunkan nakalakgmaxtu xlakata ni natanij» (Salmo 72:13, 14, Salmos Ixtatlincan Ti Talipawan Dios).

  • Dios ni akgsaninan. Biblia liwana wan pi “Dios nila akgsaninan” (Hebreos 6:18). Wa xlakata akxni Jehová wi tuku kinkawaniyan, tlan nalipawanaw pi namakgantaxti (Isaías 55:10, 11). Chu wanit pi «natamakaxtukan nti xapuxku yunu nkatuxawat [o kakilhtamaku]» (Juan 12:31).

 KALILAKPUWANTI UMA

¿La natawila kakilhtamaku akxni nialh Satanás namapakgsi?

Natekgsa xtakgalhtin Biblia anta KʼSALMO 37:10, 11 chu APOCALIPSIS 21:3, 4.