Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Namin kilhtamaku akxni nialh napatinanaw?

¿Namin kilhtamaku akxni nialh napatinanaw?

¿Xwanti pi...

  • ... namin?

  • ... ni katimilh?

  • ... max?

 WANTUKU WAN BIBLIA

«Na paks naxakanikgo Dios xlakgpixtajatkan; na nialh katiʼanalh linin; chu na nialh katiʼanalh ntalipuwan, ni mpala wa ntatasa, chu na ni mpala wa ntakatsanajwat.» (Apocalipsis [Revelación] 21:3, 4, Hua Xasasti Talaccaxlan.)

LA KINKAMAKGTAYAYAN NAKATSIYAW

Liwana nakatsiyaw pi Dios ni tlawa kakgalhiw taʼakglhuwit (Santiago 1:13).

Nakinkamatliwakglhan nakatsiyaw pi Dios akgatekgsa o makgachakgxi kintapatinkan (Zacarías 2:8).

Nakgalhkgalhiyaw pi kilhtamaku nema aku mima ni katiʼanalh tuku nakinkamakgapatinanan (Salmo 37:9-11).

 ¿WI TUKU KINKAMAKGTAYAYAN NAKANAJLANIYAW BIBLIA?

Wi pulaktiy:

  • Dios ni akxilhputun tapatin chu tuku ni xaʼakgstitum. ¿La makgkatsilh Jehová akxni makgasa nitlan kalikatsinika xkachikin? Biblia wan pi nitlan xlimakgkatsi akxni amakgapitsi kachikinin «nitlan xkalikatsinikgo» (Jueces 2:18, Traducción del Nuevo Mundo).

    Dios ni kaʼakxilhputun tiku kamakgapatinankgo amakgapitsi. Akgtum liʼakxilhtit, Biblia wan pi ni kaʼakxilhputun «tiku kamakgnikgoy tiku nitu tlawakgonit» (Proverbios 6:16, 17).

  • Dios lu xlakaskinka kaʼakxilha chatunu chatunu latamanin. Maski lakpuwana pi kaj wix katsiya «mintakatsanajwa chu mintapatin», ni kaj miʼakstu xlakata Jehová na katsi (2 Crónicas 6:29, 30, La Palabra de Dios para Todos).

Dios nalimaklakaskin xTamapakgsin xlakata namasputu xtapatinkan putum latamanin (Mateo 6:9, 10). Xlakata nina chan uma kilhtamaku, kamatliwakglha putum tiku xlikana putsakgo (Hechos 17:27; 2 Corintios 1:3, 4).

 KALILAKPUWANTI UMA

¿Tuku xlakata Dios masta talakaskin kapatinaw?

Natekgsa xtakgalhtin Biblia anta KʼROMANOS 5:12 chu 2 PEDRO 3:9.