Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Mifamilia tlan napaxuwa

 PULAKTSAYAN

Akxni wi tuku nitlan la

Akxni wi tuku nitlan la

«Wixin limakgapaxuwakanatit maski litasokgaliyatit nkaxatu kawa ntu ntuwaj talakgaputsit nchu nkaj tsinuj kilhtamaku.» (1 Pedro 1:6)

Maski lhuwa tuku natlawaya xlakata xatapaxuwan natawila mintamakgaxtokgat chu mifamilia, namin kilhtamaku wi tuku kaj xalan nala nema natlawa pi nialh napaxuwaya (Eclesiastés 9:11). Pero Dios kinkamaxkiyan tamakgtay akxni titaxtuyaw tuku nitlan. Komo natlawaya la wan xtastakyaw Biblia, wix chu mifamilia tlan natayaniyatit maski tuku lu tuwa.

 1 KALIPAWANTI JEHOVÁ

TUKU WAN BIBLIA: «Kamakamaxkitit putum tuku lilakgaputsayatit, xlakata xla kalilakgaputsayan» (1 Pedro 5:7TNM). Kalakapastakti pi ni xkuenta Dios taʼakglhuwit nema titaxtupat (Santiago 1:13). Komo natalakatsuwiniya, namakgtayayan chuna la max maklakaskina (Isaías 41:10). «Kawanitit tu lakaskin minakujkan, porque xla nakamakgtayayan.» (Salmo 62:8.)

Na lu namakgtayayan nalikgalhtawakgaya Biblia chali chali. Chuna, naʼakxilha pi xlikana Jehová «wa nti nkinkamakgtsiyajan lantla xlipaks kkintalakgaputsitkan» (2 Corintios 1:3, 4; Romanos 15:4). Xla wan pi namaxkiyan “xtakaksni Dios nema nitu xtachuna nakuentajtlawa mintalakapastakni” (Filipenses 4:6, 7, 13TNM).

TUKU TLAN XTLAWA:

  • Kaskini Jehová kamakgtayan xlakata tlan liwana nalaksaka tuku natlawaya

  • Kaʼakxilhti putum tuku tlan xtlawa xlakata tlan nalaksaka nema tlakg tlan

2 KAKUENTAJTLAWA MIFAMILIA CHU MILATAMAT

TUKU WAN BIBLIA: «Xnaku tiku akgatekgsa makglhtinan takatsin, chu xtakgan tiku skgalala putsa takatsin» (Proverbios 18:15). ¿Tuku maklakaskinkgo chatunu chatunu xalak familia? Putum liwana kakgalhskininanti. Kakatachuwinanti chu kakakgaxmatni (Proverbios 20:5).

¿Chu komo niy tiku lu paxkiya? Ni kamaxananti kalimasiya tuku makgkatsiya. Kalakapastakti pi asta Jesús «tsukulh tasay» (Juan 11:35; Eclesiastés 3:4). Na lu xlakaskinka najaxa chu liwana nalhtataya (Eclesiastés 4:6). Namakgtayayan tlakg ni tuwa nalakkaxtlawaya taʼakglhuwit.

TUKU TLAN XTLAWA:

  • Kalismani nakatakgalhchuwinana mifamilia akxni nina la tuku nitlan. Chuna, akxni naʼanan taʼakglhuwit, tlan namakgkatsikgo akxni nawanikgoyan tuku titaxtumakgolh

  • Kakatachuwinanti tiku nachuna titaxtukgolh

 3 KAPUTSA TAMAKGTAY NEMA MAKLAKASKINA

TUKU WAN BIBLIA: «Xaxlikana amigo putum kilhtamaku paxkinan, chu litaxtu la chatum tala akxni anan talakgaputsit» (Proverbios 17:17). Miʼamigos lu xlikana makgtayaputunkgoyan, pero max ni katsikgo la natlawakgo. Kakawani tuku tlan nalimakgtayakgoyan (Proverbios 12:25). Nachuna kaputsa tiku tlan nalimatliwakglhkgoyan Biblia. Xlakata nalipulalinkgoyan Biblia, xlikana pi tlan natayaniya (Santiago 5:14).

Komo lismaniya katalalipina tiku lu kanajlanikgo Dios chu lipawankgo tuku wan pi natlawa, namaxkikgoyan tamakgtay nema maklakaskina. Na tlan namamakgkatsiniyan nakamakgtayaya tiku taxlajwanimakgolh. Kakawani pi wix kanajlaniya Jehová chu tuku wan pi natlawa. Wi tuku na katlawa xpalakata amakgapitsin chu ni katamakgatlini tiku paxkikgoyan chu makgtayaputunkgoyan (Proverbios 18:1; 1 Corintios 15:58).

TUKU TLAN XTLAWA:

  • Katachuwinanti chatum xatlan amigo chu kamasta talakaskin namakgtayayan

  • Kawanti tuku xlikana maklakaskimpat