Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

¿Tuku xlikana masiya Biblia?

 TATAKGATSIN

¿Tuku wamputun akxni Nakaputsananikan latamanin?

¿Tuku wamputun akxni Nakaputsananikan latamanin?

¿LA LAKPUWANA pi nawan akxni Nakaputsananikan latamanin? Lhuwa lakpuwankgo pi akglhuwa millón latamanin naʼankgo chatunu chatunu xlakatin kxputawilh Dios chu nakaputsananikan. Na lakpuwankgo pi makgapitsi nakamaxkikan xatlan latamat kʼakgapun chu amakgapitsi xliputum kilhtamaku nakamapatinikan. Pero Biblia kinkawaniyan pi akxni Nakaputsananikan latamanin nichuna katiwa: ama kilhtamaku ni katiʼanalh tapekua, wata naʼanan takgalhkgalhin chu nalakkaxwilinamparakan.

Anta kʼApocalipsis 20:11, 12, Traducción del Nuevo Mundo, apóstol Juan kinkawaniyan la nawan ama Kilhtamaku: «Chu kakxilhli akgtum lanka snapapa putawilh niku tawila mapakgsina, chu Tiku anta xwi. Kxlakatin tsalakgolh katiyatni chu  akgapun, chu ni analh niku tlan xtawilakgolh. Chu kkaʼakxilhli ninin, tiku laklankata chu tiku laktsujku, xyakgolh kxlakatin xputawilh Dios chu talakkikgolh rollos. Pero talakkipa atanu rollo; wa rollo xla latamat. Chu ninin katalakkaxlaka chuna la xtatsokgnit krollos chuna la tuku tlawakgolh». ¿Tiku ama mapakgsina o Juez nema wi kputawilh?

Jehová Dios wa tlakg xaPuxku Juez xla putum latamanin. Pero atanu tiku limakgxtakgnit xlakata nakaputsanani latamanin. Chuna la wan Hechos 17:31, apóstol Pablo lichuwinalh pi Dios «lilhkanit akgtum kilhtamaku, akxni talulokgtat naliputsananiy ntachixkuwitat, xampi wa natlaway yama chixku nti liwililh». Ama Juez wa Jesucristo, tiku malakastakwanikanita (Juan 5:22). Pero ¿tuku kilhtamaku natsuku akxni Nakaputsananikan latamanin chu la xlimakgas namakgapala?

Klibro Apocalipsis kinkawaniyan pi akxni Nakaputsananikan latamanin natsuku akxni nakgalhsputa guerra nema wanikan Armagedón, akxni namasputukan putum tuku wi kxmakan Satanás (Apocalipsis 16:14, 16; 19:19–20:3). * Akxni titaxtunita nawan Armagedón, Satanás chu xdemonios nakalakgachinukan akgtum mil kata niku xakapulhman. Ama akgtum mil kata, 144,000 tiku natamapakgsinankgo Cristo kʼakgapun nakaputsananikgo latamanin chu «natamapakgsinankgo nCristo akgtum milh kata» (Apocalipsis 14:1-3; 20:1-4; Romanos 8:17). La akxilhwi, akxni Nakaputsananikan latamanin ni kaj puxamatati hora, wata namakgapala akgtum mil kata.

Ama akgtum mil kata, Jesucristo “nakaputsanani tiku staknankgo, chu ninin” (2 Timoteo 4:1). Tachuwin tiku staknankgo kilhchanima «lhuwa» latamanin tiku nalakgtaxtukgo kʼguerra xla Armagedón (Apocalipsis 7:9-17). Apóstol Juan na akxilhli «ninin [...], wa nti xwilakgolh xlakatin Dios» xlakata nakaputsananikan. Chuna la wa Jesús, «xlipaks nti aknukgoy, nakgaxmatkgoy xtachuwin [Cristo] nataxtupalakgoy» akxni  nakamalakastakwanikan (Juan 5:28, 29; Hechos 24:15). ¿Tuku naʼakxilhkan akxni nakaputsananikan ama latamanin?

Akxni apóstol Juan maʼakxilhnika, xla akxilhli pi «talakkipa atanu rollo» chu «ninin katalakkaxlaka chuna la xtatsokgnit krollos chuna la tuku tlawakgolh» (Apocalipsis 20:12TNM). ¿Anta tatsokgtawilanit kʼuma libro putum tuku xtlawakgonit makgasa umakgolh latamanin? Ni, nitu tatsokgnit. Akxni nakaputsananikan ni katiʼakxilhka tuku xtlawakgonit akxni nina xnikgo. ¿Tuku xlakata chuna wanaw? Xlakata Biblia wan pi «wanti xanina, lakgtaxtulha ktalakgalhin» (Romanos 6:7). Tiku nalakastakwanankgo nialh katikalakapastaknika xtalakgalhinkan chu xasasti latamat namatsukiparakgo. Wa xlakata, umakgolh libros kilhchanimakgolh xasasti limapakgsin nema Dios namasta. Xlakata tlan xliputum kilhtamaku nalatamakgo tiku nakamalakastakwanikan chu tiku nalakgtaxtukgo kʼArmagedón, xlakaskinka nakgalhakgaxmatkgo xlimapakgsin Dios. Na natawilakgo xasasti xlimapakgsin Dios nema namasta chuna la natitaxtutilha akgtum mil kata. Chuna, chatunu chatunu naputsananikan chuna la natlawa kxlatamat akxni natitaxtutilha kilhtamaku akxni Nakaputsananikan.

Akxni Nakaputsananikan latamanin, lhuwa millones xlimakgtumku nakatsinikgo tuku xtalakaskin Dios chu natlawakgo tuku xla lakaskin. Xlakata chuna nala, nakamasiyanikan lhuwa latamanin xlikalanka katiyatni. Xlikana, “latamanin nakatsinikgo tuku xaʼakgstitum” (Isaías 26:9). Pero ni putum latamanin natlawaputunkgo xtalakaskin Dios. Isaías 26:10, wan: «Maski nalakgalhamankan tiku nitlan likatsi, pero uma nikxni katikatsinilh natlawa tuku xaʼakgstitum. Kkatiyatni niku tlawakan tuku xaʼakgstitum natlawa tuku nixatlan, chu ni naʼakxilha xlilanka Jehová». Umakgolh tiku nitlan likatsikgo xliputum kilhtamaku nakamasputukan akxni Nakaputsananikan (Isaías 65:20).

Akxni nakgalhsputa la Nakaputsananikan latamanin, tiku lamakgolhku nawan, ama kilhtamaku lu xlikana nalatamakgo xlakata nialh nakgalhikgo talakgalhin (Apocalipsis 20:5). Wa xlakata, akxni Nakaputsananikan, latamanin  nakgalhiparakgo latamat nema ni kgalhi talakgalhin la xwi xapulana (1 Corintios 15:24-28). Alistalh xaʼawatiya wi tuku nakaliʼakxilhkan. Ama kilhtamaku, namakgxtakgkan Satanás chu namaxkikan talakaskin xaʼawatiya kakaʼakgskgewilh latamanin (Apocalipsis 20:3, 7-10). Latamanin tiku ni natlawakgo xtalakaskin Akgskgawini naʼakxilhkgo la liwana nakgantaxtu tuku wanit Biblia: «Tiku xaʼakgstitum xlakan nawan katiyatni, chu putum kilhtamaku nalatamakgo anta» (Salmo 37:29). Xlikana, akxni Nakaputsananikan latamanin akgtum tasikulunalin nakakitaxtuni tiku ni makgatsankgananikgo Dios.

^ párr. 2 Tlakg natekgsa xlakata Armagedón anta kPerspicacia para comprender las Escrituras, vol. 1, kpáginas 680, 681, 1086, 1087, chu kcapítulo 20 xla libro Kakakninaniw kajwatiya xaxlikana Dios, nema tlawakgonit xtatayananin Jehová.