Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Lakwan tamakatsin masta Dios

 Takgalhtawakga 7

¿Tuku xTamapakgsin Dios?

¿Tuku xTamapakgsin Dios?

¿Tuku xlakata Jesús lu xatlan mapakgsina? (MARCOS 1:40-42)

1. ¿Tuku xTamapakgsin Dios?

Akgtum tamapakgsin xalak akgapun nema natawila xlakgxokgo mapakgsinanin xalak Katiyatni chu namakgantaxti xtalakaskin Dios kKatiyatni chuna la kʼakgapun. Xtamapakgsin Dios wa tuku maklakaskinaw nema natlawa pi putum latamanin xala Katiyatni makxtum natawilakgo. ¿Ni xlikana pi uma xalakwan tamakatsin? (Kalikgalhtawakga Daniel 2:44; Mateo 6:9, 10, chu 24:14.)

Xlakata akgtum tamapakgsin maklakaskin tiku napulalin, Jehová Dios liyawanit xKgawasa, Jesucristo, xlakata wa Mapakgsina nawan kxTamapakgsin. (Kalikgalhtawakga Apocalipsis [Revelación] 11:15.)

2. ¿Tuku xlakata Jesús wa tlakg xatlan mapakgsina?

Xkgawasa Dios tlakg xatlan mapakgsina xlakata xapaxkina chu putum kilhtamaku tlawa tuku xaʼakgstitum (Juan 1:14). Nachuna, kgalhi litliwakga xlakata nakamakgtaya latamanin chu chuna natlawa akxni namapakgsinan. Akxni malakastakwanika, Jesús alh kʼakgapun, chu kgalhkgalhilh kxpaxtun Dios asta akxni maxkika talakaskin namapakgsinan (Hebreos 10:12, 13). Chu Dios maxkilh uma limapakgsin. (Kalikgalhtawakga Daniel 7:13, 14.)

3. ¿Wi tiku natamapakgsinankgo Jesús?

Biblia wan pi natamapakgsinankgo Jesús makgapitsi kskujnin Dios. Anta kDaniel 7:27 kalimapakuwikan santos. Xapulana tiku kalaksakli Dios xlakata xasanto xwankgolh  wa xʼapóstoles Jesús. La uku Jehová chuntiya kalaksakma lakchixkuwin chu lakpuskatin xlakata na xasanto nawankgo. Chuna la Jesús, umakgo latamanin akxni nikgo na ankgo kʼakgapun chu espíritu wankgo. (Kalikgalhtawakga Juan 14:1-3 chu 1 Corintios 15:42-44.)

¿La kgalhlit tiku naʼankgo kʼakgapun? Biblia wan pi ni lhuwa, Jesús kalimapakuwilh «ni xalhuwa borregos» (Lucas 12:32NM). Kaj 144,000 tiku natamapakgsinankgo Jesús kKatiyatni. (Kalikgalhtawakga Apocalipsis 14:1.)

4. ¿Tuku lalh akxni Jesús wilika xlimapakgsina?

Mapakgsina tlawaka Jesús kkata 1914, chu akxni maxkika tamapakgsin katamakxtucha kʼakgapun Satanás chu xdemonios chu kamakamilh kKatiyatni. * Xlakata Akgskgawini lu sitsilh, tsukulh wili taʼakglhuwit xlikalanka Katiyatni (Apocalipsis 12:7-10, 12). Akxni makaminka kkatiyatni, tlakg talhuwilh tuku nitlan kakilhtamaku. Guerras, tachiki tiyat, tajatat, chu tatsinkstat limasiya pi nialh makgas xTamapakgsin Dios wa namapakgsinan kKatiyatni. (Kalikgalhtawakga Lucas 21:7, 10, 11, 31.)

5. ¿Tuku tlawama xTamapakgsin Dios la uku chu tuku natlawa alistalh?

Xlakata lakgatum kKatiyatni lichuwinamaka xTamapakgsin Dios, kamastokgmaka «lhuwa tachixkuwitat» kaniwa xalanin. Millones lakchixkuwin chu lakpuskatin xatapaxuwan tapakgsinimakgolh Jesús. Putum nalakgtaxtukgo akxni xTamapakgsin Dios namasputu uma xalixkajni kakilhtamaku. Wa xlakata, komo litamakgtayaputunaw tuku natlawa Tamapakgsin, kilikgalhakgaxmatatkan Jesús. (Kalikgalhtawakga Apocalipsis 7:9, 14, 16, 17.)

Akxni namapakgsinan Jesús xaʼakgtum mil kata, namakgantaxti tuku xlakapastaknit Dios natlawa xlakata latamanin. Katiyatni akgtum paraíso nawan. Chu Jesús namakamaxkipara xTamapakgsin xTlat (1 Corintios 15:24-26). ¿Wi tiku litachuwinamputuna xlakata uma Tamapakgsin? (Kalikgalhtawakga Salmo 37:10, 11, 29.)

 

^ párr. 2 Xlakata tlakg nakatsiya tuku xwankanit nema chan kkata 1914, kaʼakxilhti páginas 215 asta 218 xla libro ¿Tuku xlikana masiyay Biblia?