Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Lakwan tamakatsin masta Dios

 Takgalhtawakga 5

¿Tuku lakapastaknit Dios xlakata Katiyatni?

¿Tuku lakapastaknit Dios xlakata Katiyatni?

1. ¿Tuku xlakata tlawalh Dios Katiyatni?

Jehová tlawalh Katiyatni xlakata anta nalatamayaw. Akxni katlawalh Adán chu Eva, ni anta kʼakgapun xʼamakgolh lhuwankgo. Dios xkatlawanita ángeles xlakata xlatamakgolh kʼakgapun (Job 38:4, 7). Jehová wililh xapulana chixku kʼakgtum xastlan jardín xwanikan Edén (Génesis 2:15-17). Nachuna, Adán chu xkamanan tlan xlipaxuwakgolh latamat xliputum kilhtamaku anta kKatiyatni. (Kalikgalhtawakga Salmo 37:29 chu 115:16.)

Pero, jardín xaʼEdén ni lakgatum Katiyatni xwanit. Xlakata xmalakgatsamakgolh katiyatni Adán chu Eva xlikgalhitkan kamanan xwanit, tsinu tsinu xmalakgatumikgolh paraíso (Génesis 1:28). Anta kKatiyatni nalatamakgo latamanin putum kilhtamaku, chu nikxni katimasputuka. (Kalikgalhtawakga Salmo 104:5.)

2. ¿Tuku xlakata la uku Katiyatni ni akgtum paraíso?

Xlakata Adán chu Eva ni kgalhakgaxmatkgolh Dios chu katamakxtuka kʼEdén. Wa xlakata xapulana Paraíso tsankgalh, chu nila tiku kaxtlawapara. Biblia wan pi Katiyatni makgxtakgka kxmakan tiku lixkajni likatsi (Job 9:24). (Kalikgalhtawakga Génesis 3:23, 24.)

Pero ¿nialh katimakgantaxtilh Jehová tuku xlakapastaknit xlakata latamanin? Ni chuna, xlakata xla kgalhi putum litliwakga chu tlan nalakkaxtlawa (Isaías 45:18). Kilhtamaku nema aku mima, Dios natlawa pi chixku nalatama chuna la xapulana xlakaskin. (Kalikgalhtawakga Salmo 37:11, 34.)

3. ¿La natlawakan xlakata natawilapara Paraíso?

Jesús xMapakgsina kxTamapakgsin Dios, akgtum paraíso natlawa Katiyatni. Jesús chu ángeles nakamasputukgo xtalamakgasitsin Dios anta kʼguerra wanikan Armagedón. Alistalh nalakgachinu Satanás akgtum mil kata, uma lixkajni  ángel tiku tlawalh pi Adán chu Eva ni xkgalhakgaxmatkgolh Dios. Akxni namasputunan nalakgtaxtukgo xlakskujnin Dios, xlakata Jesús nakapulalin chu nakamakgtaya chu tlan nakgalhikgo latamat nema ni kgalhi xlisputni anta kParaíso. (Kalikgalhtawakga Apocalipsis [Revelación] 20:1-3 chu 21:3, 4.)

4. ¿Tukuya kilhtamaku nasputa tapatin?

¿Tukuya kilhtamaku namasputu Dios tuku nitlan? Jesús wa tuku xʼama «litasiya» pi xtalakatsuwinita lisputni. Xlakata lu nitlan wi kakilhtamaku nema kalipekua wili xlatamatkan latamanin, limasiya pi talakatsuwinita «akxni nasputa kakilhtamaku». (Kalikgalhtawakga Mateo 24:3, 7-14, 21, 22NM.)

Akgtum mil kata nema namapakgsinan Jesús kKatiyatni tsinu tsinu namasputu tuku kamakgapatinan latamanin (Isaías 9:6, 7; 11:9). Ni kajwatiya namapakgsinan, na xapuxku sacerdote nawan, nakaxapani xtalakgalhinkan tiku paxkikgo Dios. Chuna, Dios nalimaklakaskin Jesús xlakata nalimasputu tajatat, nialhti katikgololh chu nialhti katinilh. (Kalikgalhtawakga Isaías 25:8 chu 33:24.)

5. ¿Tiku nalatamakgo kParaíso?

Anta kPukgalhtawakga xla xTatayananin Jehová nakalakgapasa tiku paxkikgo Dios chu katsiniputunkgo la natlawakgo xtalakaskin

Tiku kgalhakgaxmatkgo Dios nalatamakgo kParaíso (1 Juan 2:17). Jesús kawanilh kstalaninanin pi xputsakgolh tiku katsiputunkgo tuku xla Dios xlakata tlan nakasikulunatlawa. La uku, Jehová kamasiyanima millones latamanin xlakata tlan nalatamakgo kParaíso (Sofonías 2:3). Familias tiku akxtum skujnikgo Dios chu tamakxtumikgo kPukgalhtawakga xla xtatayananin Jehová, tlakg tlan likatsinikgo xpuskatkan chu xkamanankan chu litamakgtayakgo xatlan tamakatsinin nema masta Biblia. (Kalikgalhtawakga Miqueas 4:1-4.)