Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Lakwan tamakatsin masta Dios

 Takgalhtawakga 1

¿Tuku xatlan tamakatsin kinkamaxkikanan?

¿Tuku xatlan tamakatsin kinkamaxkikanan?

1. ¿Tukuya tamakatsinin kinkamaxkiyan Dios?

Dios lakaskin pi latamanin kalipaxuwakgolh latamat. Tlawalh Katiyatni chu putum tuku anan xlakata kapaxki latamanin. Nialh makgas namasputu tapatin xlakata putum latamanin tlakg tlan nalatamakgo. (Kalikgalhtawakga Jeremías 29:11.)

Ni chatum mapakgsinanin nila kamasputukgo tiku tlawakgo tuku nitlan, tajatat, nipara linin. Pero wi xasasti tamakatsinin: nialh makgas, Dios nakamasputu putum mapakgsinanin xala katiyatni chu nawili xtamapakgsin. Xkachikin Dios xatapaxuwan natawilakgo chu nialh katitatatlakgolh. (Kalikgalhtawakga Isaías 25:8; 33:24, chu Daniel 2:44.)

2. ¿Tuku xlakata lu xlakaskinka umakgolh tamakatsinin?

Xlakata nialh naʼanan tapatin, Dios pulana nakamasputu tiku nitlan likatsikgo kKatiyatni (Sofonías 2:3). ¿Chu tukuya kilhtamaku chuna natlawa? Biblia xlichuwinanita tuku xʼama kamakgapatinan latamanin la uku. Uma limasiya pi nialh makgas Dios namasputu tuku nitlan. (Kalikgalhtawakga 2 Timoteo 3:1-5.)

3. ¿Tuku kilitlawatkan?

Nalikgalhtawakgayaw Biblia xlakata nalakgapasaw Dios, xtachuna la maktum carta nema chatum tlat xapaxkina kamalakgachani xkamanan. Biblia kinkawaniyan la tlan nalipaxuwayaw latamat la uku chu tuku kilitlawatkan xlakata nakgalhiyaw latamat nema ni kgalhi xlisputni. Xlikana pi ni putum nalipaxuwakgo pi wix nalikgalhtawakgaya Biblia. Pero ni kamamakgxtakgnikgon tuku tlawapat, xlakata lu tlan tuku namaxkikana. (Kalikgalhtawakga Proverbios 29:25 chu Apocalipsis [Revelación] 14:6, 7.)