Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

«Katamakgxtakgtit kxtapaxkit Dios»

 TATAKGATSIN

Akxni makglhuwata mapitsikanit kgalhni chu la limaklakaskinkgo makuchinanin

Akxni makglhuwata mapitsikanit kgalhni chu la limaklakaskinkgo makuchinanin

Akxni makglhuwata mapitsikanit kgalhni. Pulaktati tuku litatlawanit kgalhni: glóbulos rojos, glóbulos blancos, plaquetas chu plasma, umakgolh kamapitsikan xlakata wi tuku namaxtukan. Akxni mapitsikan glóbulos rojos tlan maxtukan proteína nema wanikan hemoglobina o atanu. Hemoglobina xla tantum animal o xla chatum lataman, litlawakan likuchun xlakata nalimakuchikan tiku kgalhi anemia chu na limaklakaskinkan xlakata namalakgachokgokan kgalhni akxni lhuwa tamakgama.

Nachuna akxni mapitsikan plasma, uma na wi kkgalhni, litatlawanit chuchut (90%) chu na kgalhi lhuwa hormonas, sales inorgánicas, enzimas, nutrientes chu azúcares. Plasma na kgalhi tuku tlawa pi nialh natamakgan kgalhni, kgalhi proteínas la albúmina chu nachuna kgalhi tuku makgtayanan xlakata ni natatatlayaw. Wa xlakata, akxni wi tiku chipa akgtum tajatat wilinikan likuchun nema litlawakan gammaglobulina, uma kgalhi tuku makgtayanan ni natatatlayaw nema maxtukan kxplasma chatum lataman nema nialhtu lilani ama tajatat. Chu xaʼawatiya, akxni mapitsikan glóbulos blancos maxtukan interferones chu interleuquinas, nema limakuchinankan akxni wi tiku kgalhi akgtum virus, uma wamputun akgtum tliwakga tajatat chu cáncer.

Akxni kgalhni pulaklhuwata mapitsikanit chu anta wi tuku maxtukan xlakata natlawakan akgtum likuchun, ¿tlan makglhtinankgo kstalaninanin Cristo? Biblia ni kinkawaniyan tuku kilitlawatkan, pero kinchatunukan nalaksakaw tuku natlawayaw chuna la nakinkawaniyan kintalakapastaknikan. Wilakgolh tiku ni makglhtinankgo akxni makglhuwata mapitsikgonit kgalhni, xlakata lakpuwankgo pi akxni Dios kamaxkilh Limapakgsin israelitas, kawanilh pi xkgalhnikan animales nema xmakgnikgo xtalakaskin «namakgankgo kkatiyatni» (Deuteronomio 12:22-24). Pero na wilakgolh amakgapitsin tiku ni mastakgo talakaskin  nakawilinikan kgalhni chu pulaktati tuku litatlawanit kgalhni, glóbulos rojos, glóbulos blancos, plaquetas chu plasma, pero makglhtinankgo akxni uma pulaktati kamapitsikan chu wi tuku lakmaxtukan, lakpuwankgo pi akxni makglhuwata mapitsikanit kgalhni nialh kilhchanima xlatamat tiku maxtunika.

Akxni nina laksakaw komo namakglhtinanaw o ni, tlan natlawayaw uma takgalhskinin: «¿Kʼakgatekgsa o kmakgachakgxi pi komo ni nakmakglhtinan akxni makglhuwata mapitsikanit kgalhni, na kilhchanima pi ni nakmakglhtinan likuchun nema litlawakanit akxni makglhuwata mapitsikanit kgalhni o likuchun nema makgtayanan nialh natamakgan kgalhni? ¿Tlan xakwanilh chatum makuchina tuku xlakata kmakglhtinan o ni kmakglhtinan kgalhni akxni makglhuwata mapitsikanit chu wi tuku lakmaxtukan?».

Tuku limaklakaskinkgo makuchinanin. Pulaktiy tuku tlakg tlawakgo makuchinanin akxni wi tiku chukukgo wa uma, hemodilución chu akxni limaklakaskinkgo akgtum máquina nema saktilha kgalhni. Hemodilución wa akxni alakatanu malakgachakan kgalhni, wilinikan tuku limalhuwikan plasma chu alistalh tamaknuparakan kmakni. Chu akxni akgtum máquina lisakkikan kgalhni nema nataxtu akxni wi tiku nachukukan, chakgakan o lakmaxtukan tuku nitlan kgalhi chu alistalh tamaknuparakan kmakni. Xlakata chatunu makuchinanin tanu tanu la tlawakgo uma, talakaskin pi kstalanina Cristo nakgalhskin makuchina la nalimaklakaskin xkgalhni.

 Akxni mastayaw talakaskin nalimaklakaskinkan kinkgalhnikan la uma pulaktiy nema lichuwinawa, kilitlawatkan uma takgalhskinin: «Komo alakatanu namalakgachakan kinkgalhni chu xtaxtulh kkimakni o maski kaj tsinu xtachokgotayalh, xlakata kkatsi tuku wan Biblia, ¿xkimaxkilh talakaskin kintalakapastakni chuntiya kila nakakxilha uma kgalhni chu wa xlakata ni talakaskin nakmakgan? (Deuteronomio 12:23, 24). ¿Tlan xaklimakgkatsilh kintalakapastakni komo akxni kimakuchimaka  makuchinanin namaxtukgo kinkgalhni, namapitsikan chu natamaknuparakan kkimakni? ¿Kakgateksa pi komo nipara tsinu nakmasta talakaskin pi makuchinanin nalimaklakaskinkgo kinkgalhni, uma kilhchanima pi na ni kmasta talakaskin natlawanikan análisis, hemodiálisis chu akxni limaklakaskinkan akgtum máquina nema limaxtukan kgalhni chuntiyaku tlawama chu tamaknuparakan kkimakni?».

Chatum kstalanina Cristo xakstu nalaksaka la nalimaklakaskinkan xkgalhni akxni nachukukan. Nachuna akxni makuchinanin namaxtunikgo xkgalhni xlakata natlawanikan análisis chu akxni talakaskin namaxtunikan ni lhuwa kgalhni makglhuwa namapitsikan chu natamaknuparanikan kxmakni.