Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Kalakgtaspitti Jehová

Carta xla Lakgkgolotsin tiku Pulalinkgo xTatayananin Jehová

Carta xla Lakgkgolotsin tiku Pulalinkgo xTatayananin Jehová

Wix tiku na kanajlaya:

Chuna la wix katsiya, kBiblia talichuwinan lhuwa latamanin. Lhuwa lakchixkuwin chu lakpuskatin tiku ni xmakgxtakgkgo Dios, tiku na titaxtukgolh taʼakglhuwit xtachuna tuku wix titaxtupat. Xlakan na xmakgkatsikgo «lantla nkin» (Santiago 5:17). Makgapitsi lu nitlan xlimakgkatsikgo taʼakglhuwit chu talakgaputsit. Amakgapitsi, xfamiliajkan o tiku na xkanajlakgo la xlakan katlawanikgolh tuku nitlan. Chu lhuwa tiku lu nitlan xlimakgkatsikgo talakgalhin nema xtlawakgonit.

¿Makgxtakgkgolh Jehová umakgolh latamanin? Ni. Lhuwa tlawakgolh la salmista tiku wa kxʼoración: «Klapula la tantum borrego nima akgtsankganit, ¡kakimputsa asta nakintakgsa, porque akit nikxni kʼakgtsonkgswanit [o ni kpatsankganit] milimapakgsin!» (Salmo 119:176). ¿Min kilhtamaku nachuna makgkatsiya?

Jehová putum kilhtamaku kalakapastaka kskujnin tiku tamakgatlinikgonit xkachikin. Kaputsa chu min kilhtamaku limaklakaskin tiku na kanajlakgo la xlakan. Kalilakpuwaw la makgtayalh Job, tiku titaxtulh lhuwa taʼakglhuwit, makgatsankgalh xtumin, nikgolh tiku lu xkapaxki chu chipalh lu snun tajatat. Na tayanilh tuku lu nitlan wanikgolh tiku xlimakgtayatkan xwanit. Pero nikxni makgxtakgli Jehová maski milh kilhtamaku ni xlilat tuku lakpuwa (Job 1:22; 2:10). ¿La makgtayalh Jehová xlakata xlakgpalilh xtalakpuwan?

Pulaktum la makgtayalh, wa akxni limaklakaskilh Elihú, tiku na xkanajla la Job. Akxni Job wa tuku nitlan xlimakgkatsi, Elihú kgaxmatnilh chu wi tuku waniputulh. ¿Tuku xʼama wani? ¿Ni tlan xʼama lichuwinan Job, xʼama wani pi xkuenta tuku xʼakgspulama o xʼama mamaxani xlakata xmakgtayalh? ¿Tlakg lanka xʼama makgkatsikan Elihú? Nipara tsinu. Xʼespíritu Dios tlawalh pi Elihú xwa: «Akit xtachuna la wix kxlakatin xaxlikana Dios; akit na tiyat kilitlawakanit». Chu na wanilh tuku tlan xlimakgkatsilh: «Ni anan tuku naklimakgapekuanan, chu ni anan tuku nitlan naklimamakgkatsiniyan» (Job 33:6, 7). Ni wanilh tuku tlakg nitlan xmamakgkatsinilh, wata limasiyanilh pi xpaxki akxni stakyawalh chu matliwakglhi, xlakata wa tuku Job xmaklakaskima.

Liwana kakatsi pi chuna la tlawalh Elihú, nachuna klakpuwaw akxni klakkaxwiliw uma folleto. Pulana, liwana kkakgaxmatniw tiku xtamakgatlinikgonit Dios, klilakpuwaw tuku titaxtukgonit chu tuku wankgonit (Proverbios 18:13). Alistalh kakxilhwi tuku wan Biblia, ktlawaw oración akxni xaklakputsananimaw la kamakgtayalh Jehová kskujnin xala makgasa tiku na xtachuna taʼakglhuwit titaxtukgolh. Awatiya, kwiliw kfolleto tuku titaxtukgolh tiku talichuwinan kBiblia chu tuku titaxtukgonit makgapitsi la uku. Lu kkaskiniyan kalikgalhtawakga uma folleto. Liwana kakatsi pi xlikana kkapaxkiyan.

Lakgkgolotsin tiku Pulalinkgo xTatayananin Jehová