Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Kakamasiyani minkamanan

 TAKGALHTAWAKGA 14

Akgtum Tamapakgsin namapakgsinan xlikalanka Katiyatni

Akgtum Tamapakgsin namapakgsinan xlikalanka Katiyatni

Nialh makgas akgtum tamapakgsin namapakgsinan xlikalanka katiyatni. ¿Katsiputuna tiku?... Wa xTamapakgsin Dios. Natlawa pi Katiyatni akgtum paraíso nawampara chu anta nalatamayaw. ¿Tlakg katsiputuna xlakata uma Tamapakgsin?...

Pulana, ¿katsiya tuku chatum mapakgsina? Wa tiku mapakgsi akgtum kachikin. Chu xTamapakgsin Dios kgalhi chatum mapakgsina. ¿Katsiya tiku?... ¡Wa Jesús! Xla wi kʼakgapun chu nialh makgas namapakgsi putum Katiyatni. Pero ¿tlan mapakgsina nawan Jesús? ¿Xatapaxuwan nalatamayaw akxni Jesús namapakgsinan kKatiyatni?...

¿Tuku xtlawaputu kParaíso?

¡Lu napaxuwayaw! Akxni Katiyatni akgtum paraíso nawan, nialh naʼanan guerras. ¡Latamanin nialh nalachipakgo! Nialhti natatatla o nani. Tiku lakgaxokgo nalakawanan chu tiku akgatapa nakgaxmata. Tiku la uku nila tlawankgo nakgosnankgo chu natachayawakgo. Putum nakgalhikgo tuku nawakgo. Animales akxtum nalatamakgo chu tlan nakatakgamananaw. Chu wi atanu tuku nala: lhuwa tiku nikgonita nalakastakwanankgo. Uma wamputun pi Rebeca, Rahab,  David, Elías chu lhuwa atanu nalatamaparakgo. ¿Kalakgapasputuna?...

Jehová paxkiyan chu lakaskin napaxuwaya. Kakatsini xlakata Jehová chu kakgalhakgaxmatni tuku masiyaniyan. Komo chuna natlawaya, nalatapaya putum kilhtamaku kxalilakgatit paraíso. ¿Latamaputuna kParaíso?...

KALIKGALHTAWAKGAW KBIBLIA

  • Isaías 2:4; 11:6-9; 25:8; 33:24; 35:5, 6

  • Juan 5:28, 29; 17:3