Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TAKGALHTAWAKGA 14

Tiku x’amigo Dios ni tlawakgoy tuku nixatlan

Tiku x’amigo Dios ni tlawakgoy tuku nixatlan

Satanas kinkatokglhan xpalakata natlawayaw tuku nixatlan. Wa tiku xʼamigo Dios wamputun, naxkajniy tuku Jiova xkajniy (Salmo 97:10). Wa umakgolh wantuku xʼamigo Dios nixlitlawatkan:

Talakgalhin xalaʼ ksekso (nema tlawakgoy chixku chu puskat). “Ni miliʼakgskgawit tiku taamakgaxtokga.” (Éxodo 20:14, NM.) Tiku latatalakgxtumiy akxni niʼalatatamakgaxtokga nanitlan (1 Corintios 6:18).

Takgachin. Tiku “akgachipulay [...] ni katimakglhtinalh xReino Dios” (1 Corintios 6:10, NM).

Talamakgnin chu tiku makganankgoy. “Ni milimakgninat.” (Éxodo 20:13, NM.)

Takgalhan. “Ni milikgalhanat.” (Éxodo 20:15, NM.)

Takgsanin. Jiova xkajniy “xakgsanina simakgat” (Proverbios 6:17, NM).

 Liluku chu tiku akglakgwa sitsiy. Jiova “ni akxilhputun ti [...] lakgati matsuki tasitsi” (Salmo 11:5, S). Akgtum “xtatlaw kiliwaʼkan [NM]” wa “katuwa talalimakgasitsiy” (Gálatas 5:19, 20).

Takgaman. “Niaj katalakatsuwinitit katiwa [...] kristiano tiku paks xlaʼ tlawaputun.” (1 Corintios 5:11, NM.)

Kaxkajnikan tiku tanu xtachiwinkan chu klhakgatkan. “Kakapaxkitit wanti kasitsiniyan [chu katlawatit orasion, NM] xpalakata wanti ni kaʼukxilhputunan.” (Mateo 5:43, 44.)

Dios kinkawaniyan wantuku kilitlankan. Ni xlenkgalhin pala makgenuyaw tuku ni tlan, wa xtamakgtay Jiova chu xTatayananin, wix tlan namakgenuya wantuku ni lakgatiy Dios (Isaías 48:17; Filipenses 4:13; Hebreos 10:24, 25).