Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tlan xʼamigo Dios nawana

 TAKGALHTAWAKGA 12

¿Tuku kinkalaniyan akxni niyaw?

¿Tuku kinkalaniyan akxni niyaw?

Linin ni xtachuna latamat. La akgtum xalaʼan talhtata (Juan 11:11-14). Ninin nilay kgaxmatkgoy, ukxilhnankgoy, chiwinankgoy ni tuku lakapastakkgoy (Eclesiastés 9:5, 10). Nixaxlikana takanajla wan pi ninin ankgoy anta nak xlatamat xaspiritu chu nataʼalatamakgoy xfamiliakan tiku xlamakgolh makgasa. Uma niwa masiya Biblia.

Kristiano tiku nikgonita nilay kinkamakgtayakgoyan nachuna nilay kinkatlawaniyan tuku ni tlan. Latamanin lismanikgonit tlawanikgoy takaknin chu tamakamastan xpalakata kanajlakgoy pi uma lakgatikgoy ninin. Uma tuku tlawakgoy ni lakgatiy Dios, xpalakata likilhtsukunit xlitakgsanin Satanas. Nanilay lakgatikgoy kristiano tiku nikgonita, xlakata xlakʼan nistaknankgoy. Wa xpalakata ni nakapekuaniya chu ni nakakakniniya, manwa nakakniniya Dios (Mateo 4:10).

Tiku nikgonita nalatamaparakgoy. Jiova nakamalakastakuani ninin xpalakata nalatamakgoy kparaiso anta nak Katiyatni (Juan 5:28, 29; Hechos 24:15). Dios tlan nakamalakastakuani kristiano tiku nikgonita xtachuna akinin tlan mastakniyaw tiku lhtatama (Marcos 5:22, 23, 41, 42).

Satanas Diablo malakgatumilh takgsanin pi ni niyaw. Satanas chu paks xdemonio kamakanajliputunkgoy latamanin pi anan kspiritu ninin chu staknankgoy, makgatatatlanankgoy chu wilikgoy atunu takglhuwit. Satanas kaʼakgskgawi kristiano, lakgachunin kamamanixni o katuwa kamakxilhni. Wa xpalakata Jiova lakgmakgan tiku tachiwinanputunkgoy ninin (Deuteronomio 18:10-12).