Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tlan xʼamigo Dios nawana

 TAKGALHTAWAKGA 9

¿Tiku xʼamigojkan Dios?

¿Tiku xʼamigojkan Dios?

Jesukristo wa xKgawasa Jiova, chu wa luxatlan xʼamigo chu lupaxkiy. Akxni niaʼxmin latamay Jesus la chatum chixku anta nak Katiyatni, xlama anta nak akgapun; xwanit chatum persona xaspiritu chu lhuwa litliwakga xkgalhiy (Juan 17:5). Alistalh milh anta nak Katiyatni xpalakata nakamasiyaniy kristiano tuku xaxlikana xlakata Dios (Juan 18:37). Mastalh xlatamat nema xkgalhiy anta nak Katiyatni, xpalakata nakalilakgmaxtukan anta nak talakgalhin chu nak linin latamanin xakgalhakgaxmatninanin (Romanos 6:23). Laʼuku Jesus wa Rey anta nak xReino Dios; akgtum tamapakgsin xalaʼ kʼakgapun natlaway Katiyatni akgtum paraiso (Apocalipsis 19:16).

Nachuna anjel xʼamigojkan Dios. Nachuna anjel ni matsukikgolh xlatamatkan la xla latamanin xalaʼ kKatiyatni. Dios katlawalh anta nak akgapun akxni nixʼatlaway Katiyatni (Job 38:4-7). Wi lhuwa miyon anjel (Daniel 7:10). Uma tiku xʼamigo Dios xalaʼ kʼakgapun lakaskinkgoy pi kristiano nakatsinikgoy tuku xaxlikana xlakata Jiova (Apocalipsis 14:6, 7).

Dios nakgalhiy xʼamigo anta nak Katiyatni; kalimapakui xtatayananin. Chatum tatayana tiku wi kxlakatin xlakkaxtlawana takglhuwit wan tuku katsi xlakata achatum. Xtatayananin Jiova lixakgatlikgoy kristiano xlakata Jiova chu xtalakaskin (Isaías 43:10). Chuna lantla tlawakgoy anjel, xTatayananin masiyaniputunkgoyan tuku xaxlikana xlakata Jiova. Lakaskinkgoy pi wix nachuna xʼamigo Dios nawana.