Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tlan xʼamigo Dios nawana

 TAKGALHTAWAKGA 17

Xpalakata nakgalhiya chatum amigo xlakaskinka amigo nawana

Xpalakata nakgalhiya chatum amigo xlakaskinka amigo nawana

Tlan amigo tiku la paxkiy. Akxni tlakg nakatsiniya xlakata Jiova tlakg napaxkiya chu lunaskujnaniputuna. Nanawamputuna xtamakgalhtawakgen Jesukristo (Mateo 28:19). Xlipan xʼamigo Dios nawana kon wix xfamilia xtatayananin Jiova. ¿Tuku militlawat?

Limasiyaya pi paxkiya Dios kon kgalhakgaxpata xlimapakgsin. “Wanti xlikana paxkiy Dios mininiy namakgantaxtiy xlimapekgsin, y xliwakg xlimapekgsin ni tuwa para nalakpuwanaw pi nilay makgantaxtikan.” (1 Juan 5:3.)

Katlawatilha tuku katsinipat. Jesus wililh akgtum liukxilhtin xpalakata na akgateakgsaw uma. Chatum xaskgalala chixku tlawalh xchik kxkgalhni akgtum lanka chiwix, chu chatum xatsakat chixku tlawalh kxkgalhni muntsaya. Akxni milh lankasen, chiki nema xtlawakanit kxkgalhni lanka chiwix nilakalh, chu chiki nema xtlawakanit kxkgalhni muntsaya lhuwa makasanantilhacha akxni lakalh. Jesus wa pi tiku kgaxmatkgoy chu kgalhakgaxmatkgoy xtamasiy xtachuna xaskgalala chixku tiku tlawalh xchik kxkgalhni lanka chiwix. Naatiwa pi tiku kgaxmatkgoy xtamasiy chu ni kgalhakgaxmatkgoy xtachuna xatsakat chixku tiku tlawalh xchik kxkgalhni muntsaya. ¿La tiku chixku wix wamputuna? (Mateo 7:24-27.)

 Katamakamastani Dios. Uma wamputun natlawaniya orasion Jiova xpalakata nawaniya pi xlipan tlawaputuna xtalakaskin. Nalimasiyaya pi wix xtamakgalhtawakgen Jesukristo kon natlawaya xtalakaskin Dios (Mateo 11:29).

Katamunu. “[Katamunu, NM], y akxniku nakilhchipiniya [...] nawaniya pi lipawana laki xlaʼ nalakxapanikgoyan xliwakg mintalakgalhin wantu tlawanita.” (Hechos 22:16.)

Luxatakgatsin kaskujnani Dios. “Xliwakg wantu xliskujtit chapaxuwana katlawatit, lakatanks kakatsitit kumu lampara wa skujnipatit Kinpuchinakan [Jiova, NM] y niwa lakchixkuwin.” (Colosenses 3:23.)