Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tlan xʼamigo Dios nawana

 TAKGALHTAWAKGA 16

Kalimasiya pi paxkiya Dios

Kalimasiya pi paxkiya Dios

Militachiwinat mi amigo xpalakata ni namakgatsankaya. Nakgaxmatniya chu xla nakgaxmatniyan. Nachuna tlan nalichiwinana. Chuna militlawat xpalakata xlenkgalhin mi amigo Dios nawan. Kaʼukxilhti tuku wan Biblia pi kilitlawatkan wa uma xpalakata.

Xlenkgalhin katlawani orasion Jiova. “Xlenkgalhin katlawatit orasion.” (Romanos 12:12, NM.)

Kalikgalhtawakga Xtachiwin Dios, Biblia. “Xliwakg wantu tatsokgtawilanit [...] wa xtalakapastakni Dios [...] kinkalimakuaniyan [...] laku tanks namasiyuyaw [...] y laku namatanksayaw xtalakapastakni.” (2 Timoteo 3:16.)

Kakamasiyani kristiano xlakata Dios. “Kapitit nak xlikalanka kakilhtamaku, xliwakg kristianos [chu katlawatit makgalhtawakgen, NM] [...] kakamasiyunitit lata laku natamakgantaxtiy xliwakg wantu akit kakalimapekgsinitan.” (Mateo 28:19, 20.)

 Kaatalakatsuwinikgo tiku xʼamigo Dios. “Wa tiku taalama kristiano xalakgskgalalan, xaskgalala nawan.” (Proverbios 13:20, NM.)

Kapit niku tamakxtumikan xChiki Reino. “Nalapaxkiyaw nalamakgtayayaw chatum achatum y natlawayaw wantu lakwan taskujut [kalamaakgpuwantiniw] chatum achatum.” (Hebreos 10:24, 25.)

Kamasta tamakgtay xlakata xtaskujut Reino. “Luu kamininiyan pi minakujkan nakgalhskinatit lata laku tlan nalimakgtayaninanatit wantu kgalhiyatit, pero ni tuku chasitsi namastayatit [...] Dios lipaxuway wanti ya tapaxuwan mastay wantu kgalhiy.” (2 Corintios 9:7.)