Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TAKGALHTAWAKGA 11

Kalakgmakganti nixaxlikana takanajla

Kalakgmakganti nixaxlikana takanajla

Satanas chu paks xdemonio ni lakaskinkgoy naskujniya Dios. Kamamakgxtakgniputunkgoy Dios chalhuwa latamanin, ¿lantla? Akgtum tuku limatlanikgoy wa nixaxlikana takanajla (2 Corintios 11:13-15). Akgtum takanajla nixaxlikana kon nimasiyay tuku xaxlikana xlakata Biblia. Nixaxlikana takanajla xtachuna nixaxlikana tumin: tasiyuputun la xaxlikana chu nituku xtapalh, kaj naliminiyan takglhuwit.

Jiova Dios tiku lichiwinan xaxlikana, nilay nalakgatiy takanajla nixaxlikana. Akxni Jesus xwi anta nak Katiyatni, tiku xpulalinkgoy takanajla xmakgniputunkgoy. Umakgolh xlakapastakkgoy pi xtakaknin wa xaʼakgstitum. Xlakʼan wankgolh: “Kajxman chatum kintlatikan wi wa Dios”. ¿Kakanajlanilh Jesus? Ni; chu kakgalhtilh: “Wa wixinin mintlatkan akgskgawini” (Juan 8:41, 44). Laʼuku kilhtamaku, chalhuwa kristiano kanajlakgoy pi kakninimakgolh Dios, luxlikana pi skujnanimakgolh Satanas chu xdemonio (1 Corintios 10:20).

 Chuna la xamasni kiwi makgalay nixatlan xtawakat, chuna nixaxlikana takanajla makgalay kristiano tiku tlawakgoy tuku ni tlan. Kakilhtamaku litsamay takglhuwit xpalakata latamanin tlawakgoy tuku ni tlan. Wi tiku tlawakgoy tuku xalimaxana, talachipat, takgalhan, talaʼakgchipat, talamakgnin chu talikgaman. Chalhuwa kristiano tiku tlawakgoy umakgolh, kgalhikgoy xtakanajlakan, ni kuentajtlawanikgoy, chu niʼakgstitum latamakgoy. Kon ni lakgpalikgoy xtayatkan, xlakʼan nilay xʼamigo Dios nawankgoy (Mateo 7:17, 18).

Nixaxlikana takanajla masiyanikgoy latamanin natlawanikgoy orasion tamakanitlaw. Dios wan pi ninakatlawaniyaw orasion tamakanitlaw; uma chuna xlilat. ¿Xlakgati pi wi tiku nikxni xtachiwinan chu xtachiwinalh milakapun? ¿Mi amigo xwa tiku xtlawalh ama? Ni wa xwa. Jiova lakaskin pi kristiano wa naxakgatlikgoy, chu ninaxakgatlikgoy tamakanitlaw, nipara akgtum talhkaxtun tiku ni staknan (Éxodo 20:4, 5).

Nixaxlikana takanajla masiyay pi tlan kamakgnikan kristiano akxni wi guerra. Jesus wa pi xʼamigo Dios nalapaxkikgoy. Nikamakgniyaw kristiano tiku kapaxkiyaw (Juan 13:35). Nachuna ni tlan namakgniyaw latamanin tiku ni tlan xtayat. Akxni tachʼin linkgolh Jesus tiku nixʼamigo xwankgonit, xlaʼ ni makgxtakgli pi xtamakgalhtawakgen nachipanankgoy xpalakata ni nalinkan (Mateo 26:51, 52).

Nixaxlikana takanajla masiyay pi kristiano tiku nitlan xtayat xlipan nakamapatinikan akxni nakalhkuyukan nak infierno. Biblia masiyay pi talakgalhin linan anta nak linin (Romanos 6:23). Jiova chatum Dios xlipaks paxkina. ¿Chatum Dios xlipaks paxkina xlipan xkamapatinilh latamanin? Lukana pi ni. Anta nak Paraiso natawilay kaʼakgtum takanajla, wa nema Jiova wan pi xatlan (Apocalipsis 15:4). Paks takanajla nema masiyakgoy xlitakgsanin Satanas niaj katiʼanankgolh.