Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tlan xʼamigo Dios nawana

 TAKGALHTAWAKGA 2

Dios wa tiku tlakg xatlan amigo nakgalhiya

Dios wa tiku tlakg xatlan amigo nakgalhiya

Xʼamigo Dios nawana wantuku tlakg xatlan xakgspulan. Dios namasiyaniyan lantla napaxawaya chu nakgalhiya xatalipaw latamat, nalakgmaxtuyan anta klhuwa kxatakgtsankgan takanajla chu wantuku talismanin nixatlan. Nakgaxmata mi orasion. Nalikgalhiya takaksni chu namaxkiyan talipaw (Salmo 71:5; 73:28). Dios namakgtayayan akxni natitaxtutilhaya kxakatuwa (Salmo 18:18). Nachuna Dios maskiwiputunan xaxlipan latamat (Romanos 6:23).

Akxni talakatsuwiniya Dios, kaʼatalakatsuwiniya xʼamigo Dios. Tiku xʼamigo Dios na mi amigo nawankgoy. Nikajwatiya tama, laminatalan nawankgoy. Nalipaxawakgoy xpalakata namasiyanikgoyan xlakata Dios, namakgtayakgoyan chu namatliwakglhkgoyan.

Akin nilakxtum laa Dios. Kon xʼamigo Dios wamputuna, xlakaskinka naʼakgateakgsa pi kiʼamigojkan Dios niwanputun pi natatalakxtupiya. Xlaʼ kgalhiy lulhuwa xkaʼata nixtachuna akinin, xlaʼ tlakg skgalala chu tlakg tliwakga nixtachuna akinin. Xlaʼ kajwatiya xlilat kiMapakgsinakan nawan. Wa xpalakata, kon xʼamigo wamputunaw xlakaskinka nakgaxmatniyaw chu natlawayaw tuku kinkawaniyan; wa uma xlenkgalhin kilitlankan nawan (Isaías 48:18).