Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Biblia chu tuku lichuwinan

Tamakatsin xalak Biblia: tuku talichuwinalh

Tamakatsin xalak Biblia: tuku talichuwinalh
  1. Jehová malakatsukilh Adán chu Eva chu kamaxkilh talakaskin xlatamakgolh kParaíso xliputum kilhtamaku. Satanás nitlan lichuwinalh xtukuwani Jehová chu wa pi xla ni lakgchan namapakgsinan. Adán chu Eva tatayakgolh Akgskgawini, chuna tlawakgolh pi latamanin xkgalhikgolh talakgalhin chu xnikgolh

  2. Dios wa tuku nakaʼakgspula tiku talalakatawakakgolh chu wa pi wi tiku xʼama min nema xʼama masputu Satanás chu nalakkaxtlawa tuku nitlan tlawalh xlakata ni kgalhakgaxmatninankgolh Adán chu Eva chu namasputu talakgalhin

  3. Dios malaknuni Abrahán chu David pi kxfamiliajkan xʼama taxtu Tiku Xwankanit pi Namin, Mesías tiku xliputum kilhtamaku namapakgsinan

  4. Jehová limaklakaskin xpalakachuwinanin xlakata nawankgo pi Mesías namasputu talakgalhin, linin chu wa Mapakgsina nawan kxTamapakgsin Dios. Na natamapakgsinankgo makgapitsi latamanin chu namasputukgo guerras, tajatat chu linin

  5. Jehová masiyalh pi Jesús wa Mesías. Malakgachalh kKatiyatni xlakata xlichuwinalh xTamapakgsin chu xmastalh xlatamat xlakata latamanin. Akxni nilh, Jehová maxkipa xlatamat chu espíritu wampa

  6. Dios Mapakgsina tlawa Cristo kʼakgapun chu tsuku xaʼawatiya kilhtamaku xla uma kakilhtamaku. Jesús pulalima xlakata la lichuwinamaka xTamapakgsin Dios xlikalanka kakilhtamaku

  7. Jehová wani xKgawasa pi katsukulh mapakgsinan kKatiyatni. Uma Tamapakgsin kamasputu mapakgsinanin, wilipara akgtum paraíso chu xaskulunku katlawapara tiku ni makgatsankgananikgo Dios. Nialhti katiwa pi Jehová ni lakgchan namapakgsinan, chu xtukuwani xasanto chu xaskulunku nawan xliputum kilhtamaku