Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 2: Akgtum xastlan jardín

Takgalhtawakga 2: Akgtum xastlan jardín

¡KAʼAKXILHTI Katiyatni! ¡Putum tuku wi lu stlan! Kaʼakxilhti lhuwa tuwan chu kiwi, kaxanatni chu kaʼakxilhti lhuwa animales. ¿Akxilhpat niku wi elefante chu niku wilakgolh leones?

Animales kjardín xaEdén

¿La tlawaka uma xastlan jardín? Kaʼakxilhwi la Dios kinkakaxtlawanin Katiyatni.

Wantuku pulana tlawalh, wa xalakswan tuwan o palhma xlakata nalitamalakgatsamay Katiyatni. Na tlawalh tipalhuwa laktsu tuwan chu ni lu xalaklanka kiwi chu xalaklanka kiwi. Umakgolh tuku Dios tlawalh, akxni stakkgoy stlan litasiyay Katiyatni. Ni kaj watiya tama. Makgapitsi mastakgoy xalakgskgama xtawakat.

Alistalh Dios katlawalh skiti xlakata nalatajokgoy kchuchut chu animales nema na kgoskgoy kʼakgapun. Na tlawalh chichi, mitsi, kawayu, xalaklanka animales chu xalaktsu. ¿Anan animales lakatsu kminchik? ¡Lu tlan likatsilh Dios xlakata kinkatlawanin putum tuku anan!

Alistalh Dios laksakli lakatum anta Katiyatni chu xastlan tlawalh. Wilinilh xtukuwani jardín xa Edén. Anta nixʼanan tuku nitlan. Tuku anta xʼanan lu xastlan xwanit. Chu Dios xlakaskin pi xlikalanka Katiyatni nachuna xtiwa la uma xastlan jardín nema xtlawanit.

Kaʼakxilhpara amakgtum uma dibujo, Dios akxilhli pi wi tuku xkitsankgama. ¿Tuku lakpuwana wix pi xkitsankgama? Naʼakxilhaw.

Génesis 1:11-25; 2:8, 9.



Takgalhskinin

  • ¿La kinkakaxtlawanin Dios Katiyatni?
  • Dios tlawalh lhuwa animales. Kakiwani xtukuwani makgapitsi (Kaʼakxilhti kdibujo).
  • ¿Tuku xlakata ni xʼanan xtachuna la xwanit kjardín xaEdén?
  • ¿La xlakaskin Dios xtiwa xlikalanka Katiyatni?

Amakgapitsi takgalhskinin

  • Kalikgalhtawakga Génesis 1:11-25.

    ¿Tuku tlawalh Dios kxliʼakgtutu kilhtamaku akxni xmalakatsukinama? (Gén. 1:12.)

    ¿Tuku tlawaka xliʼakgtati kilhtamaku akxni xmalakatsukinamaka? (Gén. 1:16.)

    ¿Tukuya animales tlawalh Dios xliʼakgkitsis chu xliʼakgchaxan kilhtamaku? (Gén. 1:20, 21, 25.)

  • Kalikgalhtawakga Génesis 2:8, 9.

    ¿La xwanikan kgantiy kiwi nema Dios kalaksakli kjardín chu tuku xkilhchanima kgantunu kiwi?