Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 105: Kgalhkgalhimakgolh kJerusalén

Takgalhtawakga 105: Kgalhkgalhimakgolh kJerusalén

UMAKGOLH kristianos tiku wilakgolh kdibujo kstalaninanin Jesús. Kgalhakgaxmatkgonit Jesús chu kJerusalén tamakgxtakgkgonit. Chu akxni makxtum wilakgolh wintuku palha makawa la un, nema litatsamalh chiki. Chu akxni tama kilhtamaku ka’akgstiputawi lhkuyat chatunu chatunu. ¿Akxilhpat lhkuyat kxakgxakga chatunu apóstol? ¿Tuku wamputun uma?

Espíritu santo kalakgmilh (litasiyakgolh) tamakgalhawakgen xalak pulana siglo

¡Uma tuku lama wa nema nilay tamakanajlay xla Dios! Jesús tawilaparacha xtlat k’akgapun chu kamakaminima espíritu santo kstalaninanin. ¿Katsiya wix tuku kamatlawilh espíritu santo? Putum tsukukgolh chuwinankgoy tanu tanu tachuwin.

Lhuwa kristianos xalak Jerusalén kgaxmatkgolh uma un, chu minkgolh akxilhkgoy tuku lama. Makgapitsi kristianos xala ktanu tanu kachikinin minkgonit kJerusalén kfiesta xla Pentecostés. ¡Kaks lilakawankgolh umakgolh tiku kaj xminkgonit paxialhnankgoy! Xlakata xtamakgalhtawakgen Jesús kalixakgatlikgoy kristianos kxtachuwinkan wantuku Dios katuwa xtlawama lu xatlan.

Tiku kaj minkgonit paxialhnankgoy wankgoy, umakgolh kristianos li Galilea. ¿Tuku xlakata tlan chuwinankgoy tanu tanu tachuwin xalak kkachikinin nema akinin minitanchaw? Pedro tayalh xlakata nakalixakgatliy tuku xlakata chuna lama. Chu pixlanka kawani kristianos la xmakgnikanit Jesús pero Jehová malakastakwanilh. Chu uku, anta wilacha kxpaxtun Dios. Chu makaminit espíritu santo nema xwanit pi x’ama makamin. Wa xlakata chuna lama.

Akxni Pedro kawanilh uma, lu nitlan limakgkatsikgoy tuku tlawanika Jesús. Xlakan kgalhskininankgoy ¿Tuku kilitlawatkan? Pedro kawaniy: Mililakgpalitkan la lilapatit chu militamunutkan. Chu akxni tama kilhtamaku tamunukgolh max 3,000 kristianos chu kstalaninanin Jesús wankgolh.

Hechos 2:1-47.



Takgalhskinin

  • Chuna la tasiyay kdibujo, ¿tuku lalh anta niku tamakxtumikgonit kstalaninanin Cristo wantiku kgalhimakgolh kJerusalén?
  • ¿Tuku kaks kamalakawanilh wantiku minkgonit paxialhnankgoy kJerusalén?
  • ¿Tuku kalixakgatlilh kristianos Pedro?
  • ¿La makgkatsikgolh lhuwa kristianos akxni kgaxmatkgolh tuku kawanilh Pedro chu tuku xlitlawatkan?
  • ¿Niku kgalhlit kristianos tamunukgolh anta kfiesta xla Pentecostés?

Amakgapitsi takgalhskinin

  • Kalikgalhtawakga Hechos 2: 1-47.

    ¿La limasiyay xtachuwin Pedro nema tatsokgnit anta kHechos 2:23, 36 pi wa xkuentajkan putum li Israel nilh Jesús? (1 Tes. 2:14, 15.)

    ¿Tuku lu xatlan li’akxilhtit mastalh Pedro xlakata maklakaskilh xtachuwin Dios akxni kalimasiyanilh kristianos? (Hech. 2:16, 17, 29, 31, 36, 39; Col. 4:6.)

    ¿La maklakaskilh Pedro xapulana llave xla tamapakgsin xala k’akgapun nema Jesús xwaninit pi x’ama maxkiy? (Hech. 2:14, 22-24, 37, 38; Mat. 16:19.)