Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 104: Jesús taspitli k’akgapun

Takgalhtawakga 104: Jesús taspitli k’akgapun

TITAXTULH kilhtamaku chu Jesús makglhuwa katasiyanilh xtamakgalhtawakgen. Akgtum kilhtamaku, max 500 xtamakgalhtawakgen akxilhkgolh. Akxni katasiyanilh Jesús, ¿katsiya tuku kalixakgatlilh? Xlakata xtamapakgsin Dios. Jehová makamilh Jesús kKatiyatni xlakata xkalixakgatlilh kristianos xTamapakgsin. Chu Jesús chuntiya xkalixakgatlima kristianos asta akxni ay xmalakastakwanikanit.

Jesús taspitparay kʼakgapun

¿Lakapastaka tuku xtamapakgsin Dios? Wa lu xaxlikana xtamapakgsin Dios nema wilacha k’akgapun chu Dios Laksaknit Jesús xlakata mapakgsina nawan. ¡Chuna la akxilhnitawa, Jesús limasiyalh pi lu tlan mapakgsina nawan akxni natawilayacha xlimapakgsina k’akgapun, limasiyalh akxni kamawilh wantiku xtsinksnimakgolh, kamapaksalh tiku xtatatlakgoy chu asta kamalakastakwanilh tiku xnikgonitta!

Wa xlakata, akxni namapakgsinanacha k’akgapun akgtum mil kata, ¿la natawilay Katiyatni? Chuna, xlikalanka Katiyatni xakalipaxaw nawan. Nialh kati’analh guerra, nipara tuku nitlan katilatlawanikgoka, nialh katianalh tajatat chu nitiku katinilh. Katsiyaw pi chuna nalay, xlakata Dios tlawalh Katiyatni xlakata putum xakalipaxaw nawan, chuna xlakaskin anta xlatamakgolh kristianos. Wa xlakata tlawalh jardín xaEdén. Jesús natlaway pi nachan kilhtamaku pi kalalh tuku Dios lakaskin.

Chalh kilhtamaku akxni Jesús x’ama taspitparay k’akgapun. Tipuxum kilhtamaku katasiyanilh xtamakgalhtawakgen chu xlakan katsikgoy pi nitu ninit. Pero akxni ni ax’an, kawaniy xtamakgalhtawakgen: Anta kJerusalén katamakgxtakgtit xlakata namakgamakglhtinanatit espíritu santo. Wa uma xlitliwakga Dios, la un, chu wa uma litliwakga nakamakgtayay xtamakgalhtawakgen Jesús xlakata natlawakgoy xtalakaskin Dios. Chu awatiya Jesús kawani: Wixin nakalixakgatlikgoyatit kimpalakata xlikalanka Katiyatni.

Akxni chuna wankgolh Jesús, wintuku lalh nilay tamakanajla. Xla tsukulh an k’akgapun chuna la akxilhpat unu kdibujo. Chu alistalh akgtum puklhni matsekgli chu xtamakgalhtawakgen nialh akxilhkgolh. Jesús alh k’akgapun, anta tsukulh kamapakgsiy kstalaninanin tiku xwilakgolh kKatiyatni.

Xtamakgalhtawakgan lakaʼankgonit kʼakgapun

1 Corintios 15:3-8; Apocalipsis 21:3, 4; Hechos 1:1-11.



Takgalhskinin

  • ¿Niku kgalhlit xtamakgalhtawakgen Jesús katasiyanilh akgtum kilhtamaku, chu tuku kalixakgatlilh?
  • ¿Tuku tama xTamapakgsin Dios, chu la nawan kKatiyatni akxni Jesús namapakgsinan xakgtum mil kata?
  • ¿Niku akglit kilhtamaku chuntiya katasiyanima Jesús xtamakgalhtawakgen pero tuku ay lakgchanit kilhtamaku?
  • ¿Tukuya limapakgsin kamaxkilh xtamakgalhtawakgen Jesús akxni ay x’ama kamakgxtakga?
  • ¿Tuku lama chuna la tasiyay kdibujo chu tuku xlakata xtamakgalhtawakgen Jesús nialh akxilhkgolh?

Amakgapitsi takgalhskinin

  • Kalikgalhtawakga 1 Corintios 15:3-8.

    ¿Tuku xlakata apóstol Pablo lu liwana xkatsi nema lichuwinalh xlakata la lakastakwanalh Jesús chu tuku akinin lu liwana kilikatsitkan nema nalichuwinanaw? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

  • Kalikgalhtawakga Hechos 1:1-11.

    Chuna la litachuwinalh kHechos 1:8 pi x’ama kgantaxtuy, ¿asta niku chalh xlakata litachuwinalh Jesús? (Hech. 6:7; 9:31; 11:19-21; Col. 1:23.)