Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Pulaktujun: Malakastakwanika Jesús asta tamaknuka kpulachin Pablo

Pulaktujun: Malakastakwanika Jesús asta tamaknuka kpulachin Pablo

Jesús makgnika chu akxni ay xtitaxtunit akgtutu kilhtamaku malakastakwanika. Tama kilhtamaku akxni malakastakwanika makgkitsis katasiyanilh kstalaninanin. Chu tipuxum kilhtamaku chuntiya xkatasiyanima. Akxni takgatsilh tama kilhtamaku, makgapitsi kstalaninanin akxilhkgolh akxni Jesús alh kʼakgapun. Titaxtulh akgkaw kilhtamaku Dios kamaxkilh espíritu santo putum kstalaninanin Jesús tiku xkgalhimakgolh espíritu santo anta kJerusalén.

Titaxtulh kilhtamaku tiku xsitsinikgoy Dios tlawakgolh pi apóstoles kakatamaknuka kpulachin pero chatum ángel kamaxtulh. Chatum kstalanina Jesús xtukuwani Esteban aktalamakgnikgolh tiku ni xʼakxilhputunkgoy. Pero na nakatsiyaw pi Jesús laksakli chatum tiku pulana xsitsiniy xlakata lu xatlan kskujni nalitaxtuy, chu uma wa apóstol Pablo. Akxni xtitaxtunitta akgtutu kata aitat akxni xninitta Jesús, Dios malakgachalh apóstol Pedro nalixakgatliy Cornelio xlakata Jesús, chatum chixku tiku ni li Judá xwanit, chu na katachuwinalh xfamilia.

Titaxtulh akgkututu kata Pablo matsukilh xapulana talakgchokgotapulit xlakata nalichuwinan Cristo. Akxni xlimakgtiy alh, taʼalh Timoteo. Pablo chu tiku xtaʼankgoy lhuwa tuku tlan titaxtukgolh akxni kskujnanimakgolh Dios. Titaxtulh kilhtamaku Pablo tamaknuka kpulachin anta kRoma. Titaxtulh akgtiy kata maxtuka kpulachin pero ni lhuwa kilhtamaku titaxtulh tamaknuparaka kpulachin chu makgnika. Uma PULAKTUJUN litakgatsiy 32 kata.

Saulo malakgatsi akgtum xkgakganat