Ankan kxpulakni

Ankan kliputsan

Xtatayananin Jehová

Laksakkan tachuwin totonaco

Takgalhtawakga 11: Xapulana chamakxkulit

Takgalhtawakga 11: Xapulana chamakxkulit

¿KATSIYA tuku pulana tlawalh Noé chu xfamilia akxni taxtukgolh kʼarca? Noé maxkilh Dios xtamakamastan o akgtum tamaskiwin. Kaʼakxilhti la Noé makamastama kʼuma kdibujo nema wi tutsu. Noé makamastalh animales xlakata namaxki tapaxtikatsin Dios xlakata kalakgmaxtulh akxni milh lanka munkaklat.

Arca chu chamakxkulit

¿Pi kawa lakgatilh Jehová uma tamakamastan? Aja, Dios tlan akxilhli tama tamakamastan. Wa xlakata Dios maxkilh xtachuwin Noé pi nialh makgstum katilimalakgsputulh akgtum munkaklat kakilhtamaku.

Alistalh xlikalanka katiyatni skakli, akxni Noé chu xfamilia taxtukgolh kʼarca talakgpalilh xlatamatkan. Dios kasikulanatlawalh chu kawanilh: Lhuwa minkamanan nakgalhiyatit. Militalhuwitkan asta naʼanan kristianos xlikalanka Katiyatni.

Pero alistalh akxni kristianos xkgaxmatkgolh xlakata uma xalanka munkaklat, max xpekuankgolh xlakata xlakpuwankgolh pi chuna nalapara. Wa xlakata Dios mastalh tuku xmalakapastakalh kristianos xtachuwin pi nialh akxni xmakamilh lhuwa chuchut chu xlimakgtsamalh Katiyatni. ¿Katsiya wix tuku mastalh xlakata nalilakapastakgoy tuku xwanit? Mastalh chamakxkulit.

Noé chu xfamilia

Makglhuwa tasiyay chamakxkulit kʼakgapun akxni Chichini lakamin chu titaxtunitta sen. Chamakxkulit kgalhiy akglhuwa lakswan color. ¿Akxilhninitata chamakxkulit? ¿Akxilha chamakxkulit xalak dibujo?

Uma tuku Dios wa: Kmastama kintachuwin pi nialh akxni ktikalimalakgsputulh akgtum munkaklat putum kristianos chu animales. Kyawama kinchamakxkulit anta kpuklhni. Chu akxni chamakxkulit natasiyay anta, akit nak ukxilha chu naklakapastaka kintachuwin nema kmastama.

Wa xlakata, akxni naukxilha chamakxkulit, ¿tuku mililakapastakat? Wa xtachuwin nema mastalh Dios pi nialh makgstum katilimalakgsputulh kakilhtamaku akgtum lanka munkaklat.

Génesis 8:18-22; 9:9-17.



Takgalhskinin

  • Chuna la tasiyay dibujo, ¿tuku pulana tlawalh Noé akxni taxtulh kʼarca?
  • ¿Tuku limapakgsin maxkilh Dios Noé chu xfamilia akxni xtitaxtunita Munkaklat?
  • ¿Tuku wa Dios pi nialh katitlawalh?
  • Akxni akxilhaw chamakxkulit, ¿tuku kililakapastakatkan?

Amakgapitsi takgalhskinin

  • Kalikgalhtawakga Génesis 8:18-22.

    ¿Tuku tlan natlawayaw uku xlakata nalakgchan Jehová «tuku xamuksun chu skaya namakgkatsi»? (Gén. 8:21; Heb. 13:15, 16.)

    ¿Tuku wa Jehová akxni akxilhli kxtalakapastakni nema xwi kxnaku chixku, chu wa xlakata tuku xliunkan skgalalh nalitawilayaw? (Gén. 8:21; Mat. 15:18, 19.)

  • Kalikgalhtawakga Génesis 9:9-17.

    ¿Tuku katalakkaxlalh Jehová putum tuku staknan xalak Katiyatni? (Gén. 9:10, 11.)

    ¿Niku akglit kilhtamaku namakgapalay tama talakkaxlan xlakata chamakxkulit? (Gén. 9:16.)