Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 29: Tuku xlakata tsalalh Moisés

Takgalhtawakga 29: Tuku xlakata tsalalh Moisés

KAʼAKXILHTI, Moisés tsalamacha kʼEgipto. ¿Akxilhpat tiku putsastalanimakgolh? ¿Katsiya wix tuku xlakata makgniputunkgoy Moisés? Kaʼakxilhwi komo tlan nakatsiyaw.

Moisés tsala kʼEgipto

Moisés stakli kxchik Faraón, mapakgsina xalak Egipto. Lu xaskgalala wa chu lanka xlakatsukut litaxtulh. Moisés xkatsiy pi ni li Egipto xwanit chu xkatsiy pi wantiku lu xlikana xnatlatni kaj skujnin li Israel.

Akgtum kilhtamaku, akxni tipuxum xkata xwanitta Moisés lakapastakli naʼan akxilha xkachikin. Snun xkamapatinikan. Akxilhli chatum li Egipto xmakgsnokgma chatum skujni li Israel. Moisés anu anu lakawanalh chu akxni akxilhli pi niti xkuentajtlawanama, nikli li Egipto chu nilh. Moisés matsekgli nin anta kkuku o munsiya.

Lichali Moisés ampa kaʼakxilha xkachikin. Xlakpuwan pi tlan nakamakgtayay chu nialh kaj skujnin xwankgolh. Pero akxilhli chatiy li Israel xlawilinimakgolh chu Moisés wanilh wantiku nitlan tuku xtlawama: ¿Tuku xlakata wilinipat mintala?

Chu chixku wanilh: ¿Tiku xlakkaxtlawana takglhuwit chu kimapakgsinakan tlawan wix? ¿Na nakimakgniya chuna la makgni li Egipto?

Akxni chuna wanika, pekualh. Moisés katsilh pi xtakatsinit wantuku xtlawaninit li Egipto. Faraón na katsilh chu kamalakgachalh lakchixkuwin xlakata namakgnikan Moisés. Wa xlakata Moisés tsalacha kʼEgipto.

Akxni Moisés tsalacha kʼEgipto, makgat alh kMadián. Anta lakgapasli xfamilia Jetró, chu tatamakgaxtokgli chatum xtsumat, xtukuwani Ziporá. Moisés litaxtulh xkuentajtlawana borrego chu xkuentajtlaway xborrego Jetró. Tipuxum kata anta latamalh kMadián. Chu uku tatipuxum xkata kgalhiy. Akgtum kilhtamaku, akxni Moisés xkuentajtlawama xborrego Jetró wintuku akxilhli nema nilay tamakanajlay, wantuku lakgpalinilh xlatamat. Naʼakxilhaw uma tuku nilay tamakanajlay.

Éxodo 2:11-25; Hechos 7:22-29.



Takgalhskinin

  • ¿Niku stakli Moisés, chu tuku xkatsiy xlakata xnatlatni?
  • ¿Tuku tlawalh Moisés akxni xkgalhiy tipuxum kata?
  • ¿Tuku wanilh Moisés chatum li Israel nema xwilinima achatum, chu la kgalhtilh tama chixku?
  • ¿Tuku xlakata tsalacha kʼEgipto Moisés?
  • ¿Niku chalh Moisés akxni tsalalh, chu tiku lakgapasli anta?
  • ¿Tuku tlawalh Moisés tama tipuxum kata akxni xwi kMadián?

Amakgapitsi takgalhskinin

  • Kalikgalhtawakga Éxodo 2:11-25.

    Maski akglhuwa kata makgalhtawakgekgolh li Egipto, ¿la limasiyalh Moisés pi ni xmakgxtakga Jehová chu xkachikin? (Éxo. 2:11, 12; Heb. 11:24.)

  • Kalikgalhtawakga Hechos 7:22-29.

    ¿Tuku kinkamasiyaniyan xlakata tuku akgspulalh Moisés akxni xakstu xlakgmaxtuputun xkachikin kxmakan li Egipto? (Hech. 7:23-25; 1 Ped. 5:6, 10.)