Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 80: Li Israel taxtumakgocha kBabilonia

Takgalhtawakga 80: Li Israel taxtumakgocha kBabilonia

NI’ATAKGATSI akgtiy kata akxni li Media chu li Persia akgchipakgolh Babilonia. ¡Chu uku ka’akxilhti tuku lama! Li Israel taxtumakgolh kBabilonia. ¿La tlawakgolh xlakata tlan taxtukgocha? ¿Chu tiku kamaxkilh talakaskin nataxtukgoy?

Wa Ciro, mapakgsina xalak Persia. Makgas kilhtamaku akxni Ciro niaxlakachin Jehová tlawalh pi palakachuwina Isaías katsokgli uma, xlakata Ciro: Wix natlawaya tuku akit klakaskin natlawaya. Namalakkiyawakan malakcha xlakata wix tlan na’akgchipaya uma kachikin. Chu chuna kgantaxtulh, Ciro pulalilh akxni akgchipaka Babilonia. Xlakata xmalakkiyawakanit anta kBabilonia li Media chu li Persia tanukgolh katsisni.

Pero xpalakachuwina Jehová Isaías na tiwa pi wa Ciro xmakaxtlawinalh Jerusalén chu xtemplo Jehová. ¿Mastalh limapakgsin Ciro pi chuna natlawakan? Chuna, uma tachuwin kawanilh li Israel: Kapitit anta kJerusalén chu katlawaparatit templo xla Dios Jehová. Chu li Israel chuna tlawakgolh.

Li israel taxtumakgo kBabilonia

Pero niputum li Israel tiku wilakgolh kBabilonia tlan na’ankgoy kJerusalén xlakata lu makgat. Wanaw pi lu makgat xlakata 800 kilómetros lichankan kJerusalén chu lhuwa li Israel lu laktataja chu makgapitsi tatatlakgoy. Chu na wilapa atanu xlakata makgapitsi nila ankgoy. Pero wantiku ni na’ankgoy Ciro kawaniy: Kakamaxkitit plata chu oro chu katuwa tuku kakamaskiwitit tiku na’akgoy xlakata natlawakan Jerusalén chu templo.

Wa xlakata li Israel tiku ankgolh kJerusalén lhuwa tamaskiwin makgamakglhtinankgolh. Chu Ciro na kamaxkilh tazones chu copas wa nema mapakgsina Nabucodonosor xliminitancha kxtemplo Jehová akxni malakgsputulh Jerusalén. Lu lhuwa tuku linkgolh li Israel.

Chu akxni xtitaxtunitta akgtati papa’ chankgolh kJerusalén, kilhtamaku akxni xtakgatsima 70 kata akxni malakgsputuka Jerusalén. Chu maski li Israel taspitkgolh kxkachikinkan lu xakatuwa natitaxtukgoy chuna la na’akxilhaw.

Isaías 44:28; 45:1-4; Esdras 1:1-11.



Takgalhskinin

  • Chuna la tasiyay kdibujo, ¿tuku tlawamakgolh li Israel?
  • ¿La makgantaxtilh Ciro wantuku Jehová xmalichuwinanit Isaías?
  • Li Israel wantiku nila tataspitkgolh kJerusalén, ¿tuku kawanilh Ciro?
  • ¿Tuku kamaxkilh Ciro li Israel nalinkgoy kJerusalén?
  • ¿La xlimakgas lichankgolh li Israel anta kJerusalén?
  • ¿Niku akglit kata titaxtulha akxni Jerusalén malakgsputuka?

Amakgapitsi takgalhskinin

  • Kalikgalhtawakga Isaías 44:28 chu 45:1-4.

    ¿La wa Jehová pi lu xlikana x’ama kgantaxtuy tuku xlichuwinankanit xlakata Ciro? (Isa. 55:10, 11; Rom. 4:17.)

    Chuna la lichuwinalh Isaías pi x’ama tlaway Ciro, ¿la limasiyay pi Jehová tlan wan tuku aku nalay? (Isa. 42:9; 45:21; 46:10, 11; 2 Ped. 1:20.)

  • Kalikgalhtawakga Esdras 1:1-11.

    Chuna la titlawakgolh wantiku nila taspitkgolh kJerusalén, ¿la na tlan nakamakgtayakgoyaw wantiku tlakg skujnaniputunkgoy Jehová? (Esd. 1:4, 6; Rom. 12:13; Col. 4:12.)